Հասարակություն
28.01.2020 | 18:14Ապրիլյան քառօրյա պատերազմի հերոս Արմենակ Ուրֆանյանի մայրը՝ Համեստ Ուրֆանյանը, մեծ պատիվ է համարում Հայրենիքի պաշտպանի վերականգնողական կենտրոնում որդու անվամբ լսարանի բացումը։ Այսօր, այդ առթիվ կազմակերպված միջոցառման ընթացքում, լրագրողների հետ զրույցում նա շեշտեց, որ իր որդին կյանքը զոհել է՝ հանուն հայ ազգի, և այսօր արժևորում են իր որդուն և մյուս տղաներին։
Խոսելով բանակի վիճակի մասին՝ Համեստ Ուրֆանյանն ասաց, որ աշխատանքը բավարար է համարում։
«Բանակն իմ թուլությունն է։ Ես ամբողջ օրը մտածում եմ այդ մասին։ Գոնե իմ տղայի ծառայակից ընկերները կարողանան նորմալ պայմաններում ծառայել։ Բայց, ավաղ, շատ քիչ է դեպի սպաներ ուշադրությունը։ Կոչ եմ անում ավելի ուշադիր լինել նրանց ընտանիքներին»,-շեշտեց նա։
Մանրամասները՝ տեսանյութում:
Մերի Մարտիրոսյան
