Հասարակություն
24.01.2020 | 12:18Ակնհայտ է, թե ինչ է տեղի ունենում պարոն Թովմասյանի հետ այս քրեական գործի շրջանակում՝ քաղաքական հետապնդման ու տարբեր ռեպրեսիվ մեթոդների կիրառման հետ կապված: Լրագրողների հետ զրույցում այս մասին ասաց ՍԴ նախագահ Հրայր Թովմասյանի պաշտպանական խմբի անդամ, փաստաբան Միհրան Պողոսյանը: Հիշեցնենք, որ ՀՔԾ-ն գործողություն է իրականացնում Թովմասյանի բնակարանում:
«Դա այնքան ակնհայտ է, որ նույնիսկ ընթերականներն էին նշում, որ սա քաղաքական գործ է և չեն ուզում հետագայում տասը տարի տարբեր քննչական մարմիններում տարբեր հարցերի պատասխանել: Եվ ակնհայտությունը գալիս էր հենց նրանից, որ քննիչը հասարակ մի խուզարկություն սկսում և իրականացնում է խախտումներով: Մասնավորապես, խուզարկության որոշումը դեռևս իմ և Հրայր Թովմասյանի կողմից ծանոթացած չլինելու պարագայում, ինչը քննիչի առաջնային պարտականությունն է, քննիչը հայտարարեց, որ շարունակում է խուզարկության կատարումը»,- հավելեց փաստաբանը:
Նրա խոսքով՝ Թովմասյանի բնակարան եկած ոստիկանները որևէ փաստաթուղթ չեն ներկայացրել, թե ինչ իրավունքով են հենց իրենք խուզարկությունը կատարում. «Դատարանը համապատասխան թույլտվությունը տվել էր որոշակի խումբ անձանց, այլ ոչ թե ցանկացած ոստիկանի: Քննիչը տվյալ փաստաթղթերը չներկայացրեց մեզ և սկսեց, մեր գնահատմամբ, իր անօրինական գործողությունները»:
Մանրամասները՝ տեսանյութում:
