62 միլիոն դրամ՝ Հայաստանի ազգային բրենդի չօգտագործված լոգոտիպի համար

Լուրեր

29.03.2024 | 14:57
Եթե սահմանը հստակեցված չէ, ո՞նց են որոշել, որ դա Հայաստանի տարածքը չէ․ Արա Պապյան․ ՏԵՍԱՆՅՈՒԹ
29.03.2024 | 14:52
ՊՆ-ում քննարկվել են սպառազինության և ռազմական տեխնիկայի զարգացման ծրագրի ընթացքին վերաբերող մի շարք հարցեր
29.03.2024 | 14:44
ԱՄՆ Կոնգրեսի պատվիրակությունը Թուրքիայում է․ հանդիպումներ են անցկացվել ԱԳՆ և ՊՆ ղեկավարների հետ
29.03.2024 | 14:34
Ապստամբություն է եղել․ Արա Պապյանը հորդորեց ոստիկանության մոտ տեղի ունեցածը ահաբեկչություն չորակել․ ՏԵՍԱՆՅՈՒԹ
29.03.2024 | 14:28
Ծանրամարտի աշխարհի առաջնությունը տեղի կունենա Երևանում
29.03.2024 | 14:19
Հայաստանի հեռուստատեսային և ռադիոհաղորդիչ ցանցի տնօրենն ազատվել է աշխատանքից
29.03.2024 | 14:17
Երիտասարդական մայրաքաղաք Գավառում տրվել է միջոցառումների պաշտոնական մեկնարկը
29.03.2024 | 14:09
Կաթնամթերքի արտադրամասի արտադրական գործունեության կասեցումը վերացվել է
29.03.2024 | 13:58
Բաքուն պարզաբանել է, թե ինչու Արայիկ Հարությունյանի հետ հարցազրույցը չի ցուցադրել
29.03.2024 | 13:57
Հայաստանն ու Հնդկաստանը կընդլայնեն համագործակցությունը կինոարտադրության և տեխնոլոգիական բնագավառում
29.03.2024 | 13:48
ԱԺԲ խորհրդի անդամների ասուլիսը քաղաքական իրավիճակի և հնարավոր զարգացումների վերաբերյալ. ՈՒՂԻՂ
29.03.2024 | 13:48
«Կրոկուս»-ում ահաբեկչությունից տուժածներից թիվը հասել է 382-ի
29.03.2024 | 13:40
Վարսեն Աղաբեկյանը նշանակվել է Պաղեստինի ԱԳ նախարար
29.03.2024 | 13:38
Առցանց անմաքս առևտրի շեմը կենթարկվի փոփոխության. 2024 թվականի ապրիլի 1-ից կսահմանվի 200 եվրո և 31 կգ
29.03.2024 | 13:27
Կենսաթոշակի և նպաստի հետվճարի ծրագրին ևս 11 բանկ է միացել
Բոլորը

400 հազար դոլար արժեցած Հայաստանի ազգային բրենդի լոգոտիպը մինչ օրս չի օգտագործվում, ընդ որում, ինչպես հիմնադրամից տեղեկացրել էին Tert.am-ին, ծրագրի համար պետական միջոցներից ծախսվել է 62 միլիոն դրամ։ 2014-ին ՀՀ կառավարությունում էկոնոմիկայի նախարարության, Հայաստանի ազգային մրցունակության հիմնադրամի և ԱՄՆ միջազգային զարգացման գործակալության միջև ստորագրվեց բրենդի մշակման ուղղված նվիրաբերության հուշագիր։ Այնուհետև հիմնադրամի և ամերիկյան GK Brand ընկերության միջև կնքվեց Ազգային բրենդի ստեղծման մասին պայմանագիր:

Բրենդի լոգոտիպը պետք է պատրաստ լիներ 2015-ին՝ Հայոց ցեղասպանության 100-րդ տարելիցի կապակցությամբ։ Այն, սակայն, արժանացավ բազմաթիվ քննադատությունների և չօգտագործվեց։ 2016-ին GK Brand ընկերության հիմնադիր և ղեկավար Վազգեն Քալաջյանը ներկայացրեց իրենց հեղինակած լոգոյի տարբերակը։ Դրանից հետո լոգոտիպի շուրջ քննադատությունների է՛լ ավելի մեծ ալիք բարձրացավ։ Լոգոտիպի մշակումն արժեր 400 հազար դոլար, այնինչ, շատերի կարծիքով այն ո՛չ իմաստային, ո՛չ ձևի առումով աչքի չէր ընկնում։

Փաստորեն, Հայաստանի զարգացման հիմնադրամը, որը 3 տարի է՝ շարունակում է Հայաստանի ազգային մրցունակության հիմնադրամի գործունեությունը, չի կատարել 2014-ին ստորագրված և իրեն փոխանցված պայմանագրի կետերը։

ՀՀ տնտեսական զարգացման և ներդրումների նախարարի տեղակալ Հովհաննես Ազիզյանը Factor.am-ի հարցմանն ի պատասխան նշել է, որ հիմնադրամի և GK Brand ընկերության միջև կնքված պայմանագրով նախատեսված է աշխատանքների կատարման երեք փուլ․ «Համաձայն պայմանագրի՝ GK Brand ընկերության կողմից արդեն իսկ կատարվել են առաջին երկու փուլերի աշխատանքները՝ այդ թվում՝ տեղեկատվության հավաքում, հաշվետվության պատրաստում և ազգային բրենդի մի քանի սցենարների մշակում։ Պայմանագրով նախատեսված երրորդ փուլի աշխատանքները՝ ուղղված բրենդի և դրա խթանման ռազմավարության մշակմանը, ընթացքի մեջ են»։

 

Աննա Բաբաջանյան