06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
Մաքսային իրավախախտումների բացահայտումների 22 տոկոս աճ ունենք․ Վարդան Վարդանյան. ՏԵՍԱՆՅՈՒԹ
Հասարակություն
24.01.2020 | 11:43
ՊԵԿ Մաքսանենգության դեմ պայքարի վարչության կողմից 2019 թվականի ընթացքում տարված աշխատանքների, այդ թվում՝ իրականացված օպերատիվ-հետախուզական միջոցառումների և մաքսային հսկողության հետ կապված գործառույթների արդյունքում արձանագրվել է մաքսային իրավախախտումների 202 դեպք: Այս մասին այսօր հրավիրված ասուլիսում տեղեկացրեց ՊԵԿ մաքսանենգության դեմ պայքարի վարչության պետ Վարդան Վարդանյանը:
Նրա խոսքով՝ 2018 թվականի համեմատ՝ սա 22%-ով ավելի է. «Այսինքն՝ բացահայտումների աճ ունենք 22%-ով: Հայտնաբերված 202 դեպքից 146-ը հանդիսացել են մաքսանենգության դեպքեր, որոնցով հարուցվել են քրեական գործեր, իսկ 56 դեպքով սկսվել է վարչական վարույթ»:
Մաքսային իրավախախտումների մեջ գերակշռում են թմրամիջոցների և հոգեմետ նյութերի մաքսանենգության դեպքերը՝ ընդհանուր խախտումների 70%-ը:
«Այս երևույթի դեմ պայքարում մշտապես հսկողություն ենք իրականացնում, իսկ հաշվի առնելով նաև այն հանգամանքը, որ ՀՀ տարածքը տարանցիկ միջանցք է Իրանից այլ երկրներ թմրանյութերի փոխադրման համար, խնդիրն ավելի մեծ կարևորություն է ստանում: 2019 թվականի ընթացքում ՊԵԿ Մաքսանենգության դեմ պայքարի վարչության կողմից հայտնաբերվել և ապօրինի շրջանառությունից դուրս է բերվել 11 կգ ափիոն, 8.2 կգ մետամֆետամին, շուրջ 3 կգ կետամին, 1.3 կգ մարիխուանա և հաշիշ, հաշիշի յուղի պարունակությամբ 74 էլեկտրոնային սիգարետներ և մուշտուկներ, թմրամիջոց և հոգեմետ նյութ պարունակող 16.500 դեղահաբ և դեղապատիճ»,- տվյալներ ներկայացրեց Վարդան Վարդանյանը:
Մանրամասները՝ տեսանյութում:
