11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
2019-ի ընթացքում հայտնաբերված թմրամիջոցների և այլ հոգեմետ նյութերի դրամային արտահայտությունը գերազանցում է 1 մլրդ 500 մլն դրամը. ՏԵՍԱՆՅՈՒԹ
Հասարակություն
24.01.2020 | 11:51
2019 թվականի ընթացքում ՊԵԿ-ի կողմից հայտնաբերված թմրամիջոցների և հոգեմետ նյութերի դրամային արտահայտությունն ավելի քան 1 մլրդ 500 մլն դրամ է, այսինքն՝ 3 մլն դոլարից ավելի արժեքով թմրամիջոցներ ենք հայտնաբերել: Այսօր հրավիրված ասուլիսում տեղեկացրեց ՊԵԿ Մաքսանենգության դեմ պայքարի վարչության պետ Վարդան Վարդանյանը:
«Թմրամիջոցները կապարակնքվում են, ուղարկվում են քննչական վարչություն, որտեղ քրեական գործի ավարտից հետո այդ թմրանյութերը ոչնչացվում են»,- նշեց ՊԵԿ պաշտոնյան:
2019 թվականին բացահայտվել է նաև մաքսանենգության 56 դեպք, որոնցով վարչական վարույթ է սկսվել, քրեական գործ չի հարուցվել:
«Մաքսային հսկողությունից թաքցման, չհայտարագրման և ոչ ճշգրիտ տեղեկությունների ներկայացման եղանակով ՀՀ ապօրինի ներմուծված 574 հատ բջջային հեռախոս է հայտնաբերվել, ավելի քան 5 կգ ոսկյա և արծաթյա զարդեր, թմրանյութ և հոգեմետ նյութ չպարունակող շուրջ 60 կգ դեղամիջոց: Բացի այդ՝ սննդամթերք, հագուստ, ավտոմեքենայի պահեստամասեր և այլ ապրանքներ»,- թվարկեց Վարդան Վարդանյանը:
Մանրամասները՝ տեսանյութում:
