11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Այս դահլիճում եղել են շատ մարդիկ, որոնք ուղղակիորեն տիրապետել են ՀԷԿ-երի․ Գևորգ Պապոյան. ՏԵՍԱՆՅՈՒԹ
Քաղաքականություն
24.01.2020 | 11:07
Ազգային ժողովում քննարկվում է «Էներգետիկայի մասին օրենքում փոփոխություններ և լրացումներ կատարելու մասին» հարցը։
«Իմ քայլը» խմբակցության պատգամավոր Գևորգ Պապոյանը նկատեց, որ Կառավարությունը և պատգամավորները կողմ են այն քաղաքականությանը, որն իրենք սկսել են՝ թափանցիկ կառավարում։
«Ինչո՞ւ նախկինում այսպիսի որոշումներ չեն կայացվել, որովհետև այս դահլիճում եղել են շատ մարդիկ, որոնք ուղղակիորեն տիրապետել են այդպիսի բնական ռեսուրսների կամ ՀԷԿ-երի։ Բնականաբար, նրանց ձեռք չէր տա։ Հիմա անցել են այդ ժամանակները, մենք հաշվետու ենք մեր քաղաքացիների առաջ»,- նշեց Պապոյանը։
Նշենք, որ առաջարկվող փոփոխություններով նախատեսվում են նոր կարգավորումներ՝ իրական սեփականատերերի բացահայտման պահանջի ներդրման և չբացահայտման դեպքում պատասխանատվության միջոցների կիրառման հետ կապված հարաբերությունների վերաբերյալ:
Նախագծի 1-ին հոդվածով իրական սեփականատերերի վերաբերյալ տեղեկություններ բովանդակող քաղվածքի հասկացությունից հետո սահմանվում է, որ քաղվածքում ներկայացվում են 10 տոկոսից ավելի մասնաբաժին ունեցող անձանց վերաբերյալ տեղեկությունները:
Մանրամասները՝ տեսանյութում։
Արմինե Ալոյան
