11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Խուճապի կարիք չկա․ Հայկ Կոնջորյանը՝ «Էրեբունի պլազայում» տեղի ունեցած միջադեպի մասին
Հասարակություն
23.01.2020 | 18:11
Առիթն օգտագործելով՝ ցանկանում եմ շնորհակալություն հայտնել ոստիկաններին, որ կարողացել են նման օպերատիվ և առանց զոհերի իրավիճակը հանգուցալուծել։ Այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Հայկ Կոնջորյանը՝ անդրադառնալով «Էրեբունի պլազայում» տեղի ունեցած միջադեպին։
«Ցանկանում եմ հստակ ընդգծել, որ ՀՀ իրավապահ մարմիններն ամբողջությամբ տիրապետում են իրավիճակին և այժմ իրականացնում են բոլոր գործողությունները դեպքի բոլոր մանրամասները և հանգամանքները բացահայտելու համար։ ՀՀ իշխանությունները ևս մեկ անգամ վերահաստատում են, որ մեր երկրում բռնությունը տեղ չունի»,- ասաց Կոնջորյանը։
Նա կոչ արեց պահպանել հանգստությունը, զգոնությունը։ «Խուճապի կարիք չկա, ամեն ինչ գտնվում է վերահսկողության տիրույթում»,- նշեց նա։
Մանրամասները՝ տեսանյութում։
Արմինե Ալոյան
