04.07.2026 | 14:41
Եվրոպական ինդեքսներն աճել են
«2019-ին ՀՀ-ում կոռուպցիայի ընկալման համաթիվը 42 է, 2018-ի համեմատ՝ առաջընթաց կա». Վարուժան Հոկտանյան. ՏԵՍԱՆՅՈՒԹ
Քաղաքականություն
23.01.2020 | 12:08
Աշխարհի երկրների մեծամասնության դեպքում կոռուպցիան աճում է: Երկրների 2/3-րդից ավելիի դեպքում կոռուպցիայի մակարդակը 50-ից պակաս է: Հայաստանի դեպքում այս տարի աճ ունենք: Այս մասին այսօր՝ «Կոռուպցիայի ընկալման համաթիվը (ԿԸՀ) 2019-ին. իրավիճակը Հայաստանում» թեմայով քննարկման ընթացքում նշեց «Թրանսփարենսի Ինթերնեշնլ» հակակոռուպցիոն կենտրոնի ծրագրերի համակարգող Վարուժան Հոկտանյանը։
«2019 թվականին Հայաստանում կոռուպցիայի ընկալման համաթիվը 42 է: Նախորդ տարվա համեմատ՝ առաջընթաց կա: 2018-ին այդ թիվը 35 էր»,- ասաց Հոկտանյանը:
Ըստ նրա՝ 2012-ին կոռուպցիայի ընկալման համաթվի հաշվարկի մեթոդաբանությունը փոխվել է:
«2012-ից ի վեր՝ ընդամենը 22 երկիր է կարողացել առաջընթաց գրանցել: 2019 թվականի զեկույցի համար ընտրված թեման քաղաքական ֆինանսավորումն է: Այն երկրներում, որտեղ բավականին լուրջ կարգավորումներ կան, համաթիվը 70-ի է հասնում: Մյուս դեպքերում համաթիվը 34-35 է»,- ասաց Հոկտանյանը:
Նրա խոսքով՝ կոռուպցիայի ընկալման համաթվի զեկույցում գրեթե նույն դիրքը պահպանել է Ռուսաստանը, բավականին առաջադիմել է Ղազախստանը՝ հայտնվելով 113-րդ հորիզոնականում՝ 34 համաթվով:
Հարևան Վրաստանը 44-րդ հորիզոնականում է՝ 56 համաթվով, Ադրբեջանը՝ 126-րդ տեղում՝ 30 համաթվով, իսկ Թուրքիան՝ 91-րդ տեղում՝ 39 համաթվով:
Հիշեցնենք, որ «Թրանսփարանսի Ինթերնեշնլ» (ԹԻ) միջազգային հակակոռուպցիոն կազմակերպության կոռուպցիայի ընկալման համաթվի զեկույցի համաձայն՝ Հայաստանը 2017 թվականին 107-րդ տեղում էր, իսկ 2018-ին՝ 105-րդ:
Մանրամասները՝ տեսանյութում:
Նելլի Մելքոնյան
