10.08.2026 | 11:28
Նեթանյահուն մերժել է Գազայի հարցով Թրամփի ծրագիրը
Արևային էներգիայի խոշոր ծրագրեր իրականացնելու պարագայում սակագնի վրա դրական ազդեցություն կլինի. Տիգրան Ավինյան. ՏԵՍԱՆՅՈՒԹ
Տնտեսություն
22.01.2020 | 19:00
Հանրային ծառայությունները կարգավորող հանձնաժողովի աշխատանքի վերաբերյալ որևէ կասկած չունենք։ Այնուամենայնիվ, այն վերլուծությունները, որ այդ հանձնաժողովում արվում են, հիմնված են էլեկտրաէներգիա արտադրող ընկերությունների ինքնարժեքների հաշվարկների վրա։ Այս մասին այսօր ԱԺ-ում Կառավարության հետ հարցուպատասխանի ժամանակ նշեց ՀՀ փոխվարչապետ Տիգրան Ավինյանը՝ պատասխանելով էլեկտրաէներգիայի ոլորտում 24 մլն ճեղք ունենալու մասին «Իմ քայլը» խմբակցության պատգամավոր Վիկտոր Ենգիբարյանի հարցին։
«Էլեկտրաէներգիայի սակագինը որոշվում է այդ բոլոր համալիր գեներացիա ապահովող ընկերությունների ինքնարժեքի, ծախսերի, ներդրումների և ակնկալվող շահույթի հաշվարկների հիման վրա։ Էներգետիկ համակարգի զարգացման հետ համատեղ, սակագինը կարող է փոխվել՝ և՛ ավելանալ, և՛ նվազել։ Մասնավորապես՝ արևային էներգիայի զարգացման մեր հեռանկարներում կանխատեսում ենք, որ արևային էներգիայի խոշոր ծրագրեր իրականացնելու պարագայում, սակագնի վրա դա էական ազդեցություն է ունենալու»,- նշեց Ավինյանը։
Փոխվարչապետն իշխանական պատգամավորին առաջարկեց գրավոր հարցում ուղարկել. «24 միլիարդի մասով կդժվարանամ որևէ բան ասել։ Կարող եք գրավոր հարցում ուղարկել և ստանալ բոլոր պարզաբանումները»:
Մանրամասները՝ տեսանյութում։
