20.01.2026 | 21:40
Կեղծ Կամչատկա․ ինչպես է ԱԲ-ն հաղթում փաստին․ ՏԵՍԱՆՅՈՒԹ
Դեռևս վաղ է խոսել, դեռ չկան վերլուծությունները․ Ավինյանը՝ «Յուքոմ»-ի կողմից «Բիլայնը» գնելու մասին. ՏԵՍԱՆՅՈՒԹ
Տնտեսություն
22.01.2020 | 19:19
Գործընթացն արդեն սկսել է, «Յուքոմ» ընկերության կողմից Հանրային ծառայությունները կարգավորող հանձնաժողով հայտ է ներկայացվել՝ «Բիլայնը» գնելու վերաբերյալ։ Այս մասին այսօր Ազգային ժողովում Կառավարության հետ հարցուպատասխանի ժամանակ նշեց ՀՀ փոխվարչապետ Տիգրան Ավինյանը՝ պատասխանելով «Յուքոմի» կողմից «Բիլայնը» գնելու մասին «Իմ քայլը» խմբակցության պատգամավոր Գոռ Գևորգյանի հարցին։
«Հանձնաժողովն իր վերլուծությունը պետք է անի, որպեսզի հասկանա՝ միավորումն ինչպես է ազդելու այդ ոլորտում ծառայությունների գնի վրա։ Այս փուլում հանձնաժողովի նախնական դիրքորոշումն այն է, որ բոլոր առկա հաճախականությունները պետք է հնարավորություն տան՝ շուկա երրորդ օպերատորի մուտքի համար։ Տնտեսական մրցակցության պաշտպանության պետական հանձնաժողովի տեսանկյունից այս միավորումը խնդրահարույց կարող է լինել։ Օրենքով նախատեսված է, որ ԱԱԾ-ն նույնպես պետք է հարցի վերաբերյալ իր կարծիքը տա։ Բոլոր կարծիքները համադրելով, կարծում եմ, կունենանք վերջնական պատասխան, թե արդյո՞ք այս միավորումը հնարավոր է։ Նույնիսկ եթե այն հնարավոր լինի, դեռևս վաղ է խոսել, քանի որ չունենք վերլուծության արդյունքներ»,- ասաց փոխվարչապետը։
Մանրամասները՝ տեսանյութում։
