14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Հունաստանը մեծացնում է ռազմական ներուժը՝ ի հակակշիռ Թուրքիայի
Քաղաքականություն
20.10.2017 | 18:44
ԱՄՆ-ում գտնվող Հունաստանի վարչապետ Ալեքսիս Ցիպրասը ելույթով հանդես է եկել ամերիկյան հայտնի «Brookings» համալսարանում:
Ըստ թուրքական «Haber7» լրատվամիջոցի՝ մասնակիցներից մեկը Հունաստանի վարչապետին հարցրել է, թե ինչու է պաշտոնական Աթենքը մեծ ներդրումներ անում ռազմական ոլորտում` հաշվի առնելով երկրի տնտեսական ճգնաժամը. փոխանցում է ermenihaber-ը:
Հունաստանի վարչապետը պատասխանել է, որ դրա պատճառներից մեկն այն է, որ իրենք ունեն Թուրքիայի նման հարևան, որի կողմից իրականացված քայլերին վերջ դնել առաժմ չի հաջողվում:
«Ես չէի ցանկանա անգամ մեկ եվրո ծախսել ռազմական ոլորտում: Ես կողմնակից կլինեի ռազմական ոլորտում մեծ ներդրումներ չանելուն, եթե մեր հարևանները լինեին Լուքսեմբուրգը և Բելգիան»,- նկատել է տվել Ցիպրասը:
Հիշեցնենք, որ Թուրքիայի օդուժը հաճախակի խախտում է Հունաստանի օդային սահմանը: Էգեյան ծովում այժմ կան մի շարք կղզիներ, որոնք դեռևս վեճի պատճառ են հանդիսանում երկու երկրների միջև:
