06.03.2026 | 10:15
Fly One Armenia-ն Հնդկաստանից դեպի ՀՀ չվերթ է իրականացրել
Սա ոտնձգություն է Հայաստանի դատական համակարգի նկատմամբ․ Արման Բաբաջանյանը՝ դատավորի աշխատասենյակի պատուհանին կրակոցի մասին
Քաղաքականություն
22.01.2020 | 15:57
Երեկ երկոյան շատ դատապարտելի իրողություն է տեղի ունեցել․ Երևանի ընդհանուր իրավասության դատարանի Կենտրոն և Նորք-Մարաշ վարչական շրջանների դատարանի դատավոր Տաթևիկ Գրիգորյանի աշխատասենյակի պատուհանին կրակոց է արձակվել։ Կարծում եմ՝ որպես ԱԺ մենք խստորեն պետք է դապարտենք այսպիսի իրադարձությունները։ Այս մասին ԱԺ-ում իր ելույթի ժամանակ ասաց պատգամավոր Արման Բաբաջանյանը։
«Սա ոտնձգություն է ոչ միայն և ոչ այնքան առանձին վերցրած դատավորի, որքան Հայաստանի դատական համակարգի, արդարադատության գաղափարի նկատմամբ ընդհարնապես։ Պետությունը պարտավոր է խստագույնս սրան արձագանքել և համարժեք իրավաքրեական գնահատական տալ տեղի ունեցածին՝ ուղերձ հղելով առ այն, որ դատական համակարգն ամբողջությամբ և դատավորներն առանձին-առանձին հատուկ պաշտպանության տակ են, պետության պաշտպանության տակ են»,- ասաց Արման Բաբաջանյանը։
Մանրամասները՝ տեսանյութում։
Արմինե Ալոյան
