22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Դատարանը Ռուստամ Բադասյանի հայցադիմումը վերադարձրել է՝ թերի լինելու պատճառով
Հասարակություն
22.01.2020 | 15:33
ՀՀ արդարադատության նախարար Ռուստամ Բադասյանը դատական հայց էր ներկայացրել ընդդեմ Նարեկ Մալյանի, սակայն հայցը թերի լինելու պատճառով դատարանն այն վերադարձրել է:
Այս մասին Factor.am-ը տեղեկանում է Դատական տեղեկատվական համակարգից:
Datalex.am-ում հրապարակված հաղորդագրության մեջ ասվում է. «ՀՀ Երևան քաղաքի ընդհանուր իրավասության դատարանի դատավոր Զ.Նախշքարյանս, ուսումնասիրելով Ռուստամ Վարդանի Բադասյանի ընդդեմ Նարեկ Մալյանի` պատվին, արժանապատվությանը և գործարար համբավին պատճառված վնասի հատուցման պահանջի մասին, հայցադիմումը և կից փաստաթղթերը, պարզել է, որ չեն պահպանվել հայցադիմումի ձևին, բովանդակությանը և կից փաստաթղթերին ներկայացվող պահանջները: Հայցադիմումը` կից փաստաթղթերով, վերադարձնել Ռուստամ Վարդանի Բադասյանին: Հայցադիմումը վերադարձնելու մասին որոշումն ուղարկել պատասխանող Նարեկ Բորիսի Մալյանին: Հայցադիմումում թույլ տրված թերությունները վերացվելու և սկսած հայցադիմումը վերադարձնելու մասին որոշումը ստանալու պահից եռօրյա ժամկետում այն դատարան կրկին ներկայացվելու դեպքում հայցադիմումը համարվում է առաջին ատյանի դատարան ներկայացված՝ այն սկզբնապես ներկայացնելու օրը: Որոշումը կարող է բողոքարկվել վերաքննության կարգով այն ստանալու պահից յոթնօրյա ժամկետում»։
