20.01.2026 | 20:48
Իմպերիալիստական հավակնությունները վերածնվում են. Մակրոնը քննադատել է Թրամփի՝ «կանոններից զուրկ աշխարհը»
Կիպրոսի նախագահական. «Թուրքիան վերածվում է ծովահենային պետության»
Քաղաքականություն
21.01.2020 | 21:43
Կիպրոսը քննադատել է իր բացառիկ տնտեսական գոտում Թուրքիայի կողմից ապօրինի հորատումներ իրականացնելու նախապատրաստությունները. գրում է ermenihaber-ը:
Կիպրոսի նախագահականից տարածված հայտարարության մեջ մասնավորապես ասվում է. «Արևելյան Միջերկրականում Թուրքիան վերածվում է ծովահենային պետության: Չնայած արևելյան Միջերկրականի երկրների միջև առկա էներգետիկ փոխգործակցությանը՝ Թուրքիան, ինքնագլուխ քայլեր անելով, բռնում է միջազգային անօրինականություների ուղին»:
Հայտարարության մեջ նաև նշվում է, որ Թուրքիան անտեսում է Միջերկրական ծովում անօրինական հորատումները դադարեցնելու մասին Եվրամիության կոչը:
Նշյալ հայտարարությունն արվել է այն բանից հետո, երբ Թուրքիան հայտարարել էր, որ պատրաստվում է հորատումներ իրականացնել Կիպրոսին պատկանող բացառիկ տնտեսական գոտում: Թուրքիայի էներգետիկայի և բնական պաշարների նախարար Ֆաթիհ Դյոնմեզն ավելի վաղ տեղեկացրել էր, որ «Yavuz» անվամբ հորատիչ նավը տեղակայվելու է Կիպրոսում` հորատման աշխատանքներ իրականացնելու համար:
