08.11.2024 | 23:14
Վթար Աշտարակի խճուղում․ կա տուժած
Պետդումայի հանձնաժողովը հավանության է արժանացրել Վլադիմիր Պուտինի՝ սահմանադրական բարեփոխումների օրինագիծը
Քաղաքականություն
21.01.2020 | 18:17
Պետդումայի հանձնաժողովը հավանության է արժանացրել սահմանադրական բարեփոխումների վերաբերյալ ՌԴ նախագահ Վլադիմիր Պուտինի օրինագիծը։ Այս մասին հայտնում է ՌԻԱ Նովոստին։
Պետդումայի պետականաշինության և օրենսդրության հարցերով հանձնաժողովը հորդորել է, որ խորհրդարանի ստորին պալատն առաջին ընթերցմամբ ընդունի սահմանադրական բարեփոխումների վերաբերյալ նախագիծը։
Հիշեցնենք, որ նախօրեին Վլադիմիր Պուտինը համապատասխան փաստաթուղթը Պետդումա էր ներկայացրել: Պետդումայի տվյալներով՝ ՌԴ նախագահի առաջարկած սահմանադրական բարեփոխումները ներառում են նվազագույն աշխատավարձի չափը, Ռուսաստանի նախագահի թեկնածուների հանդեպ պահանջների խստացումը, իշխանության ճյուղերի միջև լիազորությունների վերաբաշխումը:
Պուտինը նաև առաջարկել է վարչապետի և կառավարության անդամների թեկնածությունների հաստատումը նախագահից Պետդումային փոխանցել, ինչպես նաև արգելել միևնույն անձի կողմից ՌԴ նախագահի պաշտոնը երկու ժամկետից ավելի զբաղեցնելու հնարավորությունը։ Նախագիծը կքնարկվի խորհրդարանի հունվարի 23-ի լիագումար նիստին։
Նելլի Մելքոնյան
