26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Հակասահմանադրական նախաձեռնությամբ օրենքի վերահսկողություն եք ուզում ունենալ․ Գայանե Աբրահամյանը՝ ԼՀԿ-ին. ՏԵՍԱՆՅՈՒԹ
Քաղաքականություն
21.01.2020 | 16:51
«Այս նախաձեռնությունն իր ողջ տրամաբանությամբ և փիլիսոփայությամբ խիստ հակասական և տարակուսելի է: Հատկապես հակասական է ձեր՝ նախկինում նախաձեռնած քայլերի համադրությամբ, որովհետև «Լուսավոր Հայաստան» խմբակցությունը պարբերաբար բարձրաձայնել է ավագանու լիազորությունների բարձրացման ուղղությամբ»,- այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Գայանե Աբրահամյանը։
Նա նկատեց, որ ողջամիտ կասկած է առաջանում, որ սա ընդամենն արվում է հերթական աղմուկը բարձրացնելու համար։
«Սա ոչ այլ ինչ է, քան Սահմանադրության խախտմամբ՝ օրենքի տառին համապատասխանության ուսումնասիրություն, որն աբսուրդ է»,- նշեց Աբրահամյանը։
Հիշեցնենք, որ Ազգային ժողովում կստեղծվի Երևանի քաղաքապետարանին արված նվիրատվությունների քննիչ հանձնաժողով: Եվ ԱԺ-ն քննարկում է 2018 թվականի սեպտեմբերից սկսած տարբեր սուբյեկտների կողմից Երևան համայնքին տրանսպորտային միջոցների և այլ գույքի փոխանցման, ծառայությունների մատուցման պայմանագրերի, ինչպես նաև Երևան համայնքի կողմից դրանց հետ կապված այլ անշարժ կամ շարժական գույքի փոխանցման, այդ թվում` գույքային, ինչպես նաև ոչ գույքային իրավունքների, շինարարության թույլտվությունների, արտոնությունների տրամադրման իրավաչափությունն ու կոռուպցիոն ռիսկերն ուսումնասիրելու նպատակով հանձնաժողովի անդամների թիվը սահմանելու մասին հարցը։
Մանրամասները՝ տեսանյութում։
Արմինե Ալոյան
