16.03.2026 | 19:19
Քննարկվել են տարբեր ոլորտների վերաբերյալ միջազգային վարկանիշային զեկույցներում Հայաստանի դիրքերի հետագա բարելավման քայլերը
Տպավորություն է, որ ԼՀԿ-ին դուր չի եկել աղբահանության խնդրի լուծումը․ Գևորգ Պապոյան. ՏԵՍԱՆՅՈՒԹ
Քաղաքականություն
21.01.2020 | 16:44
«Լուսավոր Հայաստան» խմբակցության անդամները, «Լույս» խմբակցության անդամները ամբողջ ամառվա ընթացքում աղբի ամանների կողքը նկարվում էին՝ փորձելով դիվիդենտներ շահել, վերջիվերջո, չստացվեց, որովհետև Երևանում աղբի հարցը և աղբահանության հարցը լուծվեց։ Այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Գևորգ Պապոյանը։
«Քանի որ աղբահանության հարցը լուծվեց, փորձ կատարվեց թեմային այստեղ շարունակություն տալ։ Երևանի քաղաքապետարանն իր ունեցած լիազորությունների սահմաններում աղբահանության խնիրը լուծել է։ Տպավորություն է, որ «Լուսավոր Հայաստան» խմբակցությանը ընդհանրապես դուր չի եկել»,- ասաց Պապոյանը։
Հիշեցնենք, որ Ազգային ժողովում կստեղծվի Երևանի քաղաքապետարանին արված նվիրատվությունների քննիչ հանձնաժողով: Եվ ԱԺ-ն քննարկում է 2018 թվականի սեպտեմբերից սկսած տարբեր սուբյեկտների կողմից Երևան համայնքին տրանսպորտային միջոցների և այլ գույքի փոխանցման, ծառայությունների մատուցման պայմանագրերի, ինչպես նաև Երևան համայնքի կողմից դրանց հետ կապված այլ անշարժ կամ շարժական գույքի փոխանցման, այդ թվում` գույքային, ինչպես նաև ոչ գույքային իրավունքների, շինարարության թույլտվությունների, արտոնությունների տրամադրման իրավաչափությունն ու կոռուպցիոն ռիսկերն ուսումնասիրելու նպատակով հանձնաժողովի անդամների թիվը սահմանելու մասին հարցը։
Մանրամասները՝ տեսանյութում։
Արմինե Ալոյան
