02.07.2026 | 13:21
Անդրանիկ Թևանյանը դատի է տվել Վահագն Ալեքսանյանին․ պահանջում է հերքում, ներողություն և 9 մլն դրամ
Մարդու իրավունքների պաշտպանության ոլորտը բարելավվել է, սակայն դեռ բազմաթիվ բարեփոխումներ պետք է իրականացնել․ ԵՄ դեսպան. ՏԵՍԱՆՅՈՒԹ
Հասարակություն
17.01.2020 | 17:17
Եվրամիությունը, միջազգային այլ կառույցների պես, ուշադիր հետևում է զարգացումների ընթացքին, սակայն դրանք չի մեկնաբանում։ Մենք տեսնում ենք, որ դատական համակարգի բարեփոխումների ուղղությամբ էական ջանքեր են գործադրվում, և մենք այդ ջանքերին սատարում ենք։ Այս մասին այսօր լրագրողների հետ զրույցում նշեց Հայաստանում ԵՄ դեսպան Անդրեա Վիկտորինը։
«Ուզում եմ ընդգծել, որ տեսնում եմ մարդու իրավունքների պաշտպանության բարելավման գործընթաց, մասնավորապես՝ խոշտանգման և արգելված վերաբերմունքի կանխարգելման ուղղությամբ լուրջ ջանքեր են գործադրվում և համագործակցություն կա նաև միջազգային կառույցների հետ։ Տպավորված եմ դատական բարեփոխումների առաջխաղացման ուղղությամբ գործադրվող ջանքերով։ Այս գործընթացքի մեջ ԵՄ-ն Հայաստանի կարևոր գործընկերն է լինելու»,- ասաց ԵՄ դեսպանը։
Նա նաև ընդգծեց, որ Հայաստանում մարդու իրավունքների պաշտպանության ոլորտում իրավիճակը բարելավվել է, սակայն դեռ բազմաթիվ բարեփոխումներ կան, որոնք պետք է իրականացնել։
Մանրամասները՝ տեսանյութում։
Նելլի Մելքոնյան
