12.08.2026 | 17:22
«Սան Պաուլուի» ավտոբուսն առգրավվել է 86 կգ մարիխուանա տեղափոխելիս
Կալանքից ազատման օրը Մանվել Գրիգորյանի վիճակն ավելի էր վատացել. Թաթոյան. ՏԵՍԱՆՅՈՒԹ
Հասարակություն
17.01.2020 | 15:48
Այսօր «Մարդու իրավունքների պաշտպանի՝ որպես կանխարգելման ազգային մեխանիզմի իրավական նոր գործիքները և ժամանակակից խնդիրներն ազատությունից զրկման վայրերում» թեմայով քննարկումից առաջ պաշտպան Արման Թաթոյանը հանդես եկավ ճեպազրույցով։
Պաշտոնյան խոսեց ՔԿՀ-ներում առկա խնդիրների մասին։ Ապա պատասխանելով գեներալ Մանվել Գրիգորյանի վերաբերյալ հարցին, Թաթոյանն ասաց, որ երբ Գրիգորյանին ամռանն առաջին անգամ տեղափոխեցին հիվանդանոց, դա իր հայտարարության հիման վրա էր։
Մարդու իրավունքների պաշտպանն ընդգծեց, որ մի քանի անգամ այցելել է Գրիգորյանին։
«Կալանքից ազատման օրը Մանվել Գրիգորյանի վիճակն ավելի էր վատացել»,-շեշտեց պաշտպանը։
Հիշեցնենք, որ Գրիգորյանը մեղադրվում է ապօրինի կերպով զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 մլրդ դրամ վատնելու և շորթմամբ 37 մլն դրամ արժողությամբ գույքի հափշտակությունը կազմակերպելու համար։
Մանրամասները՝ տեսանյութում:
Մերի Մարտիրոսյան
