21.04.2026 | 17:20
Թրամփը հայտարարել է, թե Իրանը բազմիցս խախտել է հրադադարը
Գորշ կարդինալներ գովազդի դաշտում այլևս չեն լինելու. Հովհաննես Մովսիսյան. ՏԵՍԱՆՅՈՒԹ
Հասարակություն
16.01.2020 | 14:19
Այսօր Ազգային ժողովում խորհրդարանական լսումներ են՝ Աուդիովիզուալ մեդիածառայությունների ոլորտում օրենսդրական փոփոխությունների թեմայով։ Լսումների ընթացքում ելույթով հանդես եկավ «Կառավարության տեղեկատվական-վերլուծական կենտրոն» ՊՈԱԿ-ի ղեկավար Հովհաննես Մովսիսյանը։
Վերջինս նշեց, որ տարիներ շարունակ հեռուստաընկերություններում գովազդի փաթեթը եղել է մեկ անձի՝ գորշ կարդինալի ձեռքում։ Եվ սա խնդիր է, որով այժմ պետք է զբաղվել և հասկանալ, թե ինչ մեխանիզմով է դա տեղի ունեցել։ Մովսիսյանը շեշտեց, որ ամեն ինչ անելու են և գորշ կարդինալներ գովազդի դաշտում այլևս չեն լինելու։
Բացի այդ, արձագանքելով նիստի ընթացքում որոշ հեռուստաընկերությունների լրատվական բաժինների ղեկավարների պնդմանը, թե մի քանի պաշտոնյաներ չեն գնում հեռուստաընկերություն՝ որպես հյուր, նա ասաց՝ չի բացառում, որ այդ պաշտոնյաները պարզապես ցանկություն չունեն։
Մովսիսյանը հակադարձեց նաև. խնդիր է համարում այն, որ որոշ հեռուստաընկերություններ վերցնում են մի քաղաքական ուժի և սկսում նրա գովազդով զբաղվել։
Մանրամասները՝ ելույթում:
Մերի Մարտիրոսյան
