Միգուցե Արթուր Վանեցյանը փորձում է կանխարգելել իր ազատազրկումը պրիմիտիվ քայլերով. Դանիել Իոաննիսյան

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Factor.am-ի հարցազրուցը իրավապաշտպան Դանիել Իոաննիսյանի հետ

-Պարոն Իոաննիսյան, այսօր հայտնի դարձավ, որ Նիկոլ Փաշինյանի, Արթուր Վանեցյանի և Սասուն Խաչատրյանի գաղտնալսման գործով հարցաքննվել է Նիկոլ Փաշինյանը, իսկ ավելի վաղ մյուս երկուսն էին հարցաքննվել: Ինչո՞ւ այս գործի քննությունն ակտիվացավ հենց այն բանից հետո, երբ  ՀԺ-ում հրապարակում եղավ այն մասին, որ Արթուր Վանեցյանը հակաքարոզչություն է իրականացրել Աննա Հակոբյանի և Մարիամ Փաշինյանի նկատմամբ: Միտում տեսնու՞մ եք:

-Չեմ կարծում, որ այստեղ միտում կա, քանի որ բոլորին էլ հարցաքննել են՝ Նիկոլ Փաշինյանին էլ, Սասուն Խաչատրյանին էլ: Ես պետք է նորից կրկնեմ, որ էական հավանականությամբ՝  գաղտնալսումը կատարվել էր Վանեցյանի կողմից: Դա իրականում ոչ թե գաղտնալսում էր, այլ խոսակցության ձայնագրություն:

Այս գործն աննախադեպ է, պետք է հասկանալ, թե ովքեր են գաղտնալսել պետության և անվտանգության ոլորտի առաջին դեմքերին: Սա բարդ գործ է, ՔԿ-ն և իրավապահ համակարգը նման փորձ չուներ, ու սա դանդաղեցնում է գործի բացահայտումը:

-Բայց Արթուր Վանեցյանը հայտարարում էր, որ պատվիրատուները հայտնի են, գործը բացահայտված է:

-Սուտ էր ասում, ամենայն պատասխանատվությամբ հայտարարում եմ, որ սուտ էր ասում:

-Ի՞նչ շահ ուներ ստելու համար:

-Չգիտեմ, բայց այդ գործը բացահայտված չէր: Եթե Վանեցյանը իր վարկածը զեկուցել էր վարչապետին, դա չէր նշանակում, որ գործը բացահայտված է:

-Ինչո՞ւ եք վստահ պնդում, որ բացահայտված չէ: Ի՞նչ փաստեր ունեք:

-Եթե այդ գործը բացահայտված լիներ, այսօր ի՞նչ են քննում: Բացահայտված գործի ի՞նչն են քննում: Հայաստանում ով ինչ հանցագործություն կատարել է՝ իրեն ընդդիմադիր է փորձում ներկայացնել, որ քրեական հետապնդումը ներկայացվի քաղաքական հետապնդում:

-Ուզում եք ասել, որ Արթուր Վանեցյանը հանցագործություն է կատարե՞լ:

-Ես խորին համոզմունք ունեմ, որ Արթուր Վանեցյանը իր պաշտոնավարման օրոք կատարել է հանցագործություններ և դրանցից մեկի մասով ես ու Արթուր Սաքունցը հանցագործության մասին հաղորդում ենք տվել: Այն ժամանակ որ այդ դեպքով գործ չհարուցվեց՝ չի նշանակում, որ մենք չենք կարծում, որ նա այդ հանցագործությունը կատարել է: Այն բազմաթիվ տեղեկությունները, որոնք որ շրջանառվում են Արթուր Վանեցյանի արարքների վերաբերյալ, եթե այդ տեղեկությունների տասը տոկոսը քննությամբ ապացուցվի, ապա Վանեցյանին սպասվում են բանտարկության տարիներ: Միգուցե փորձում է կանխարգելել իր ազատազրկումը պրիմիտիվ քայլերով:

–Տեսակետ հնչեց, որ Արթուր Վանեցյանը փորձել է պետական հեղաշրջման փորձ իրականացնել: Դուք էլ ենթադրում եք, որ գաղտնալսումները հենց նա էր կազմակերպել: Ի վերջո, նրա ազատման պատճառը ո՞րն է:

-Ես չեմ կարծում, որ ՀՀ-ում հեղաշրջման փորձ է եղել: Արթուր Վանեցյանը, Միքայել Մինասյանը և իրենց շրջապատն այդքան չկան, որ հեղաշրջում անեն: Բայց Արթուր Վանեցյանը գործում էր Նիկոլ Փաշինյանի ու հեղափոխության դեմ: Զարմանալի չէ, որ իրեն գործից հանեցին: Արթուր Վանեցյանը ցանկանում է զբաղվել քաղաքականությամբ, բայց չգիտի, թե ինչպես: Նա չի պատկերացնում, մի քիչ լուրջ չեն իր մոտեցումները, հայտարարությունները: Ինքը հեղափոխության բերումով եղել է ԱԱԾ տնօրեն, բայց չի նշանակում, որ նա կարող է լինել լուրջ քաղաքական գործիչ:

Նարեկ Կիրակոսյան