15.10.2026 | 12:34
Խնդիր եմ դրել՝ մինչև 2031թ․ վավերացնել խաղաղության պայմանագիրը. Փաշինյան․ ՏԵՍԱՆՅՈՒԹ
ՏԿԶՆ-ն պարզաբանում է ներկայացրել
19.10.2017 | 13:38
Տարածքային կառավարման և զագացման նախարարությունից Factor.am-ի՝ հոկտեմբերի 17-ի «Ինչու չի կատարվել վարչապետի հանձնարարականը. կլինե՞ն պատժվողներ. ԵզրաԿԱՑՈՒԹՅՈՒՆ» վերտառությամբ հրապարակման հետ կապված ներկայացրել են հետևյալ պարզաբանումը.
«Նյութում նշված Խարբերդի միջնակարգ դպրոցը ոչ թե վերանորոգվում է կամ հիմնանորոգվում, այլ ամբողջությամբ նոր դպրոց է կառուցվում: Այդ դպրոցը կառուցվում է Սեյսմիկ անվտանգության մակարդակի բարձրացման ծրագրի շրջանակներում, որը իրականացվում է Ասիական զարգացման բանկի աջակցությամբ: Շինարարական աշխատանքներն ավարտվելու են 2019 թվականին: Իսկ դպրոցի կառուցման աշխատանքները սկսվել են մեկ ամիս առաջ: Այս ծրագրի շրջանակներում կառավարության առաջնահերթության ցանկում ընդգրկված առնվազն 46 դպրոցների շենքերի սեյսմակայունությունը բարձրացվելու է կամ վերակառուցվելու են նոր դպրոցներ՝ նորացված շինարարական նորմերին և դպրոցական շենքերի արդիականացման ուղեցույցներին համապատասխան:
Ինչ վերաբերում է հրապարակման մեջ նշված մյուս՝ Արմավիրի մարզի Թաիրով համայնքի դպրոցին, նրա մեկ մասնաշենքն ամբողջությամբ հիմնանորոգվում է: Այս դպրոցը համարվում է շարունակական օբյեկտ, քանի որ դրա նախագծա-նախահաշվարկային արժեքն ավելի մեծ է, քան ընթացիկ տարվա պետական բյուջեով հատկացված պետական միջոցները: Կապալառու կազմակերպության հետ կնքված պայմանագրով ընթացիկ տարվա աշխատանքների ավարտի ժամկետ նշված է նոյեմբերի 3-րդ տասնօրյակը, իսկ վերջին վճարումը նախատեսվում է կատարել 2017-ի 4-րդ եռամսյակում»:
