Հայաստանի Քաղաքացիական ավիացիայի կոմիտեն Իտալիայի օդային հաղորդակցության աշխատակիցների գործադուլի պատճառով հունվարի 14-ին Միլանի ու Հռոմի հետ Երևանի օդային հաղորդակցության փոփոխությունների մասին տեղեկություն է տարածել:
«Իտալիայի Օդային երթևեկության կառավարման որոշ արհմիությունների կողմից ս.թ. հունվարի 14-ին չորս ժամ տևողությամբ գործադուլ է հայտարարվել: Այն նախատեսվում է սկսել Իտալիայի տեղական ժամանակով ժամը 13:00-ից մինչև 17:00-ն, որի ընթացքում մի շարք թռիչքներ չեղարկվելու են: Հաշվի առնելով այն փաստը, որ հունվարի 14-ին նախատեսվում է իրականացնել Ryanair ավիաընկերության առաջին թռիչքները դեպի Զվարթնոց օդանավակայան Իտալական Հռոմ և Միլան քաղաքներից, անհրաժեշտություն է առաջացել թռիչքները իրականացնել ուշացումներով, նախապես սահմանված չվացուցակի ապահովման անհնարինության պատճառով»,- ասված է հաղորդագրությունում:
