17.11.2024 | 21:43
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
Դեռևս չհստակեցված մի շարք մոտեցումներ կան․ Գևորգ Հովհաննիսյանը՝ բալային համակարգի կիրառման մասին
Հասարակություն
13.01.2020 | 14:58
Բալային համակարգի որոշակի դրույթների կողմ եմ, բայց ինչպես ներկայացված է օրենքը, ժամանակավրեպ է, արդիական չէ։ Այս մասին «Ճանապարհային երթևեկության տուգանքների բալային համակարգը կգործի հունվարի 1-ից. արձագանքներ և հնարավոր հետևանքներ» թեմայով քննարկման ժամանակ ասաց «Իրավունքի սահման» ՍՊԸ տնօրեն Գևորգ Հովհաննիսյանը։
Նա նշեց, որ օրինակ՝ ալկոհոլ օգտագործած վարորդին պետք է տեղում զրկել վարորդական իրավունքից, ու ոչ թե 2 միավոր հանել։
«Բալային համակարգի, բալերի կիրառման հանրային վտանգավորությունը, ըստ էության, որոշակիորեն ոչ իրավաչափ ձևով հավասարեցվում է․ 2 միավոր ակլոհոլ օգտագործած և 0․5 միավոր սահմանված վայրում չկայանած խախտման դեպքում։ Դեռևս չհստակեցված մի շարք մոտեցումներ կան ։ Այսինքն՝ դրանք պետք է էականորեն տարբերվեն իրարից, ոչ թե 1-1․5 միավորով։ Շատ երկրներում ալկոհոլ օգտագործած վարորդին քրեական պատասխանատվության ենթարկելու հարց են բարձրացնում»,- ասաց Գևորգ Հովհաննիսյանը։
Բանախոսի դիտարկմամբ՝ շրջաններում երթևեկության ինտենսվությունը մի փոքր այլ է, քան Երևան քաղաքում, այդ իսկ պատճառով առաջարկել եմ ապահովագրավճարների տարբերություն լինի։ «Իրավունքի սահման» ՍՊԸ-ի տնօրենը տեղեկացրեց, որ չորեքշաբթի՝ ժամը 14։00-ին, կառավարության շենքի մոտ բողոքի ակցիա են իրականացնելու բալային համակարգի հետ կապված։
Նրա տեղեկացմամբ՝ մեծ թվով մասնակիցներ են գալու, ակցիային մասնակցելու են նաև այն անձինք, ովքեր դեռ չեն հասցրել մաքսազերծել իրենց ավտոմեքենաները։
