17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
ՄԻՊ-ի աջակցությամբ դատապարտյալը աչքի վիրահատության է ենթարկվել
Հասարակություն
13.01.2020 | 11:38
ՀՀ արդարադատության նախարարության քրեակատարողական հիմնարկների մեկի դատապարտյալը դիմել է Մարդու իրավունքների պաշտպանի աջակցությանն իր վիրահատության կազմակերպմանն աջակցելու հարցում։
«Ըստ դիմողի՝ հետազոտվել է, սակայն անհրաժեշտ վիրահատությունը կազմակերպելու համար չունի բավարար ֆինանսական միջոցներ, ինչի հետևանքով վիրահատությունը չի իրականացվում: Նա խնդրել է Պաշտպանի աջակցությունն իրեն անհրաժեշտ վիրահատությունը պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում կազմակերպելու հարցում:
Բողոքի քննարկման շրջանակում գրություն է հասցեագրվել ՀՀ արդարադատության նախարարության քրեակատարողական ծառայություն:
Քրեակատարողական ծառայությունը Մարդու իրավունքների պաշտպանին տեղեկացրել է, որ դիմել է ՀՀ առողջապահության նախարարություն դատապարտյալի վիրահատական բուժումը պետության կողմից երաշխավորված անվճար բժշկական օգնության և սպասարկման շրջանակներում կազմակերպելու համար: Արդյունքում դատապարտյալը ենթարկվել է աչքի վիրահատության։
Հետվիրահատական շրջանում քաղաքացու առողջական վիճակը ևս գտնվել է Մարդու իրավունքների պաշտպանի ուշադրության կենտրոնում։ Արդարադատության նախարարությունը տեղեկացրել է, որ հետվիրահատական շրջանում դատապարտյալը երկու անգամ տեղափոխվել է կլինիկա՝ խորհրդատվություն ստանալու և հետազոտությունների ենթարկվելու նպատակով, գտնվում է քրեակատարողական հիմնարկի բուժանձնակազմի հսկողության ներքո»,- ասված է հաղորդագրությունում:
