20.01.2026 | 22:24
Թուրքիայի քրդամետ կուսակցությունը հայտարարում է Սիրիայում քրդերի դեմ ցեղասպանության մասին՝ մեղադրելով Անկարային
Ալեքսանդր Սարգսյանի որդու՝ Նարեկ Սարգսյանի կալանավորման որոշումը բողոքարկվել է
Հասարակություն
10.01.2020 | 16:00
Երրորդ նախագահ Սերժ Սարգսյանի եղբորորդու՝ Նարեկ Սարգսյանի կալանավորման որոշումը բողոքարկվել է Վերաքննիչ դատարան:
Նարեկ Սարգսյանը, հիշեցնենք, 2019 թվականի դեկտեմբեր ամսին Չեխիայից արտահանձնվեց հայկական կողմին։
Նրա պաշտպանը մեզ հետ զրույցում ասաց, որ կալանավորման հիմքերը բացակայում են։
Մեր հարցին՝ չկա՞ արդյոք վտանգ, որ նա կարող է խուսափել գործի քննությունից՝ հաշվի առնելով, որ նման փորձ ունի, պաշտպանը պատասխանեց․ «Կարծում եմ, որ նման վտանգ չկա և հետո այնպես չէ, որ նա չէր ցանկանում վերադառնալ, ուղղակի այդ հանգամանքներին անդրադառնալ չենք ուզում»։
Պաշտպանն ասաց, որ տեսակցել է Նարեկ Սարգսյանին, առաջադրված մեղադրանքի մասին զրուցել է, բայց թե ինչ դիրքորոշում է հայտնել Սարգսյանը, պաշտպանը չասաց։
Հիշեցնենք՝ Սարգսյանը մեղադրվում է ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու համար:
Լիլիթ Շաբոյան
