01.05.2026 | 12:36
Ռուսական ԱԹՍ-ները հարձակվել են Օդեսայի վրա. վնասվել է նավահանգստի ենթակառուցվածքը
2019 թ. դեկտեմբերին նախորդ տարվա համեմատ «Զվարթնոց»-ում ուղևորահոսքն աճել է 6%-ով
Տնտեսություն
10.01.2020 | 15:32
2019-ի դեկտեմբերին, 2018-ի նույն ժամանակահատվածի համեմատ, «Զվարթնոց»-ում ուղևորահոսքն ավելացել է 6 տոկոսով:
2019 թվականի դեկտեմբեր ամսին ՀՀ երկու օդանավակայաններում ուղևորահոսքն ընդհանուր կազմել է 238,066 մարդ՝ 2018 թվականի նույն ամսվա ցուցանիշը գերազանցելով 6 տոկոսով: Այս մասին ֆեյսբուքյան գրառմամբ տեղեկացնում է «Զվարթնոց» միջազգային օդանավակայանը։
«Եթե 2018-ի դեկտեմբերին «Զվարթնոց» միջազգային օդանավակայանի ծառայություններից օգտվել է 213,953 ուղևոր, ապա 2019-ի դեկտեմբերի ցուցանիշը կազմել է 226,786 ուղևոր: 2019 թվականի դեկտեմբեր ամսին Գյումրու «Շիրակ» օդանավակայանում ուղևորահոսքը կազմել է 11,280 մարդ: 2018 թվականի նույն ամսվա 10,535 ուղևորահոսքի համեմատ՝ աճը կազմել է 7.1 տոկոս: 2019 թվականին Հայաստանի Հանրապետության երկու օդանավակայանների ուղևորահոսքը կազմել է 3,169,144 մարդ, որը 10.9 տոկոսով գերազանցում է 2018 թվականի ցուցանիշը: «Զվարթնոց» և «Շիրակ» օդանավակայաններում 2019 թվականի հունվար- դեկտեմբեր ամիսներին, նախորդ տարվա նույն ամիսների հետ համեմատած, 13.7 տոկոսով աճ են գրանցել նաև թռիչք-վայրէջքները»,- ասվում է հաղորդագրության մեջ։
