07.08.2026 | 11:15
ԱԱ-2026-ի լավագույն ֆուտբոլիստն ընտրություն է կատարել «Բարսելոնայի» ու «Ռեալի» միջև
Վաղը՝ հունվարի 10-ին, Դալմա Գարդեն մոլը չի աշխատելու
09.01.2020 | 22:07
Դալմա Գարդեն մոլը վաղը՝ հունվարի 10-ին, չի աշխատելու։ Այս մասին տեղեկանում ենք առևտրի կենտրոնի ֆեյսբուքյան էջից։
«Սիրելի հաճախորդներ, տեղեկացնում ենք, որ նախորդ մեկ ժամվա ընթացքում Դալմա Գարդեն մոլում նկատվել են տեղային ցնցումներ, ինչի արդյունքում առևտրի կենտրոնի ղեկավարությունը իրականացրել է անվտանգության կանոնների պահպանման բոլոր քայլերը, այդ թվում` առևտրի կենտրոնի բոլոր աշխատակիցների և հաճախորդների տարհանումը կենտրոնից։ Այս պահին ՀՀ արտակարգ իրավիճակների նախարարության աշխատակիցները կատարում են շենքի և հարակից տարածքների մանրակրկիտ զննում՝ ցնցումների պատճառը պարզելու նպատակով։ Առայժմ անհանգստանալու պատճառ չկա։ Սակայն ելնելով մեր աշխատակիցների և հաճախորդների անվտանգությունից՝ վաղը՝ հունվարի 10-ին, Դալմա Գարդեն մոլը չի աշխատելու։ Հետևեք միայն մեր պաշտոնական գրառումներին»,- նշված է հաղորդագրության մեջ։
Հիշեցնենք, որ այսօր 18։40-ի սահմաններում Դալմա Գարդեն մոլի երկրորդ հարկի որոշակի հատվածում մոտ 30 րոպե տևողությամբ ցնցումներ են գրանցվել։ ԱԻՆ Փրկարար ծառայության աշխատակիցները շենքի գործիքային ստուգում են իրականացնում։
Նելլի Մելքոնյան
