20.01.2026 | 17:27
Դուք, ձեր խմբակցությունը, ձեր բռնապետիկը․ Վահագն Ալեքսանյանը՝ Արմենուհի Կյուրեղյանին․ ՏԵՍԱՆՅՈՒԹ
Դալմա մոլում 30 րոպե ցնցում է զգացվել. ԱԻՆ պաշտոնյա. ՏԵՍԱՆՅՈՒԹ
Հասարակություն
09.01.2020 | 21:13
Մոտ 18։40-ի սահմաններում «Դալմա Գարդեն մոլի» շենքի երկրորդ հարկի մի հատվածում ցնցումներ նկատվեցին։ Մոտ կես ժամ շենքի այդ հատվածը դողդողում էր։ Այս մասին այսօր՝ լրագրողների հետ զրույցում նշեց ՀՀ ԱԻՆ փրկարար ծառայության բնակչության պաշտպանության և աղետների հետևանքների վերացման կազմակերպման վարչություն պետ Տիգրան Գիդաչյանը։
«Անմիջապես ճշտվեց, որ ոչ միայն Հայաստանում, այլ ընդհանրապես՝ տարածաշրջանում, երկրաշարժի ու դրա նման երևույթներ չունենք։ Սակայն ցնցումները բավականին երկար ժամանակ չէին դադարում։ Անվտանգությունից ելնելով, աշխատակիցներին և ժողովրդին շենքից տարհանեցին։ Ներկա պահին մեր սեյսմիկ ծառայության աշխատակիցները տեղադրում են չափող սարքեր, որ ճշտեն։ Այս պահի դրությամբ այլևս ցնցումներ չկան»,- ասաց Գիդաչյանը։
Նրա խոսքով՝ «Դալմա Գարդեն մոլում» ցնցումը, հավանաբար, եղել է շրջակայքում որևէ շինարարության ծանր ինժեներական տեխնիկայի աշխատանքի հետևանքով։
«Ամեն դեպքում, հիմա կիրականացվի շենքի գործիքային ստուգում, որպեսզի լիովին համոզված լինենք, որ շենքի և նրա կոնստրուկցիաների հետ կապված վտանգ չկա»,- ասաց բնակչության պաշտպանության և աղետների հետևանքների վերացման կազմակերպման վարչություն պետը։
Մանրամասները՝ տեսանյութում։
