17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Նեթանյահուն մեղադրվում է կոռուպցիայի համար. նա Իսրայելի խորհրդարանից անձեռնմխելիություն է խնդրել
Քաղաքականություն
02.01.2020 | 14:03
Իսրայելի վարչապետ Բինյամին Նեթանյահուն որոշել է երկրի խորհրդարանին խնդրել կոռուպցիայի գործով քրեական հետապնդումից իրեն անձեռնմխելիություն տրամադրել, հաղորդում է BBC-ի ռուսական ծառայությունը:
Այդ քայլը, ամենայն հավանականությամբ, ենթադրում է դատական լսումներ այդ գործով, ու դրանք կտեղափոխվեն մարտին կայանալիք ընտրություններից հետո։
Հիշեցնենք, որ նոյեմբերին վարչապետին գլխավոր դատախազի կողմից մեղադրանք էր ներկայացվել կաշառակերության, խարդախության և երեք տարբեր դեպքերով վստահությունը չարաշահելու առնչությամբ։ Նեթանյահուն հերքում է իր հասցեին ուղղված բոլոր մեղադրանքները։ Նրան անհրաժեշտ է Քնեսեթի պատգամավորների ավելի քան կեսի աջակցությունը դատավարության շրջանում անձեռնմխելիությունն ստանալու համար։
Նեթանյահուին մեղադրել էին, որ հարուստ գործարարներից նվերներ է ընդունել և առանձին ծառայություններ մատուցել մամուլում առավել ցանկալի լույսի ներքո ներկայացվելու փոխարեն։
Անձեռնմխելիություն ստանալու համար նա հեռուստաուղերձ է հղել ու հայտարարել, որ այդ գործընթացը օրենքին համապատասխան կլինի, իսկ իր նպատակը իսրայելցիներին և Իսրայելի ապագային ծառայելն է։
Մարտին սպասվում են տարվա ընթացքում երրորդ համընդհանուր ընտրությունները։
