27.09.2026 | 09:01
Համաշխարհային օլիմպիադա. Հայաստանի հավաքականների մրցակիցները վերջին տուրում
Նիդեռլանդները պաշտոնապես հրաժարվել է «Հոլանդիա» անվանումից
Քաղաքականություն
02.01.2020 | 12:15
2020 թվականի հունվարի 1-ից «Հոլանդիա» անվանումը պաշտոնապես դադարել է գոյություն ունենալ իբրև Նիդեռլանդներ պետության անվանում. հաղորդում է ՌԻԱ Նովոստի-ն՝ հղում անելով NOS ռադիոկայանին։
Այժմ տեղի իշխանությունները, բուհերը, մասնավոր ընկերությունները և տպագիր պարբերականները պետք է կիրառեն «Նիդեռլանդներ» անվանումը։ Կառավարությունը կարծում է, որ այդ որոշումը կօգնի երկրին ազատվել թմրամիջոցների և մարմնավաճառության հետ կապված վայրի կերպարից։
Երկրի իշխանությունները նաև գտնում են, որ այդ քայլը կվերաբաշխի զբոսաշրջիկների հոսքը, քանի որ օտարերկրացիների մեծամասնությունն այցելում է հենց պատմական Հոլանդիա՝ Ամստերդամ, Հարլեմ և Հաագա, իսկ այդ քաղաքները չեն կարողանում այդքան զբոսաշրջիկներ ընդունել։
Նշվում է, որ անվանափոխության հմաար թագավորության բյուջեից կծախսվի 200 հազար եվրո ։
