25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
ՀՀ պաշտպանության նախարարը հյուրընկալվել է «ԱՅԲ» կրթահամալիրում
18.10.2017 | 14:20
Հոկտեմբերի 17-ին ՀՀ պաշտպանության նախարար Վիգեն Սարգսյանը հյուրընկալվել է «ԱՅԲ» կրթահամալիրում և «Հաջողության բանաձև» նախագծի շրջանակում հանդես եկել դասախոսությամբ՝ «Առաջնորդությունը հանրային հատվածում» թեմայով:
«Հաջողության բանաձև» նախագծի նպատակն է հաջողության տարբեր պատմությունների միջոցով երիտասարդներին հավատ ներշնչել սեփական ուժերի և կարողությունների հանդեպ։
«Բաց դռների» ձևաչափով անցկացված դասախոսության ընթացքում պաշտպանական գերատեսչության ղեկավարն անդրադարձել է հանրային առաջնորդի հիմնական ուղղորդիչներին, գործունեության հստակ տեսլականի դերին և հանրության հետ հետադարձ կապի պահպանման անհրաժեշտությանը:
Պաշտպանության նախարարը պատասխանել է նաև ունկնդիրների հարցերին: Որպես պաշտոնավարման մեկ տարվա գլխավոր ձեռքբերում՝ Վիգեն Սարգսյանն առանձնացրել է Մոնթե Մելքոնյանի անվան ռազմամարզական վարժարանի սաներին «Այբ» դպրոցի կրթական ծրագրով առավել համապարփակ կրթության տրամադրումը, նկատելով, որ գիտելիքն առաջնորդի հաջողության կարևորագույն բանալիներից է:
