Սոցիալական օգնության անվան տակ համայնքի բնակիչներին գումարներ են հատկացվել, ապա գանձվել որպես հարկերի վճարում.  ՀՀ գլխավոր դատախազը դիմել է ՀՀ ՏԿԵ նախարարին

Լուրեր

14.04.2025 | 09:25
Անաստաս Միկոյան 64-ի բնակիչները ի նշան բողոքի փակել են Եղվարդի խճուղին
13.04.2025 | 21:46
Լարսը բացվել է բոլոր տեսակի տրանսպորտային միջոցների համար
13.04.2025 | 21:28
ԱՄՆ-ում ապօրինի գտնվող անձանց խրախուսեք հեռանալ. դեսպանատուն
13.04.2025 | 21:00
Մենք ապրում ենք մի դարաշրջանում, երբ «կարմիր գծերը» գրեթե վերացել են. զրույց Արա Թադևոսյանի հետ. ՏԵՍԱՆՅՈՒԹ
13.04.2025 | 20:27
ՀՀ տարածքում ավտոճանապարհները հիմնականում անցանելի են
13.04.2025 | 19:31
Արթուր Ալեքսանյանը պարգևատրվեց Եվրոպայի լավագույն ըմբիշի գավաթով
13.04.2025 | 19:22
Արթուր Ալեքսանյանը վնասվածքի պատճառով չի պայքարի բրոնզե մեդալի համար
13.04.2025 | 18:44
Հրդեհ` Էջմիածին քաղաքում
13.04.2025 | 18:20
Ստեփանծմինդա-Լարս ավտոճանապարհը փակ է միայն բեռնատարների համար
13.04.2025 | 17:44
Արթուր Դավթյանը՝ Աշխարհի գավաթի բրոնզե մեդալակիր
13.04.2025 | 16:50
Հայաստան-Թուրքիա առաջընթացն իր դրական ազդեցությունը կունենա Հայաստան-Ադրբեջան կարգավորման վրա. Միրզոյան
13.04.2025 | 15:58
Արթուր Ալեքսանյանն այսօր կպայքարի բրոնզե մեդալի համար
13.04.2025 | 15:27
Իրականում ամեն ինչ շատ լավ է ընթանում․ Պեսկովը՝ ռուս-ամերիկյան հարաբերությունների ներկայիս վիճակի մասին
13.04.2025 | 14:16
Վթարի է ենթարկվել ՆԳՆ հատուկ նշանակության գումարտակի հրամանատարը
13.04.2025 | 14:06
Անկարան և Երևանը ձգտում են հարաբերությունների լիակատար կարգավորման․ ՀՀ ԱԳ նախարար
Բոլորը

ՀՀ գլխավոր դատախազության հանրային կապերի բաժնից տեղեկացնում են, որ ՀՀ քրեական օրենսգրքի 308-րդ հոդվածի 1-ին մասով հարուցված և ՀՀ քննչական կոմիտեի Արագածոտնի մարզային քննչական վարչությունում քննված քրեական գործի նախաքննությամբ ձեռք բերված ապացույցների բավարար համակցությաբ հիմնավորվել է մարզի Արագածավան համայնքի ղեկավարի կողմից առերևույթ կոռուպցիոն չարաշահումների կատարումը:

«Մասնավորապես, պարզվել է, որ վերջինս, օրենքով սահմանված կարգով պատշաճ կազմակերպած չլինելով տեղական հարկերի գանձումը, հարկերի հավաքագրման ցուցանիշներ ապահովելու անձնական շահագրգռվածությունից ելնելով, 2018թ. ընթացքում իր 13 որոշումներով բյուջեում առկա հավաքագրված գումարներից համայնքի 339 բնակիչների հատկացրել է ընդհանուր 13.605.960 ՀՀ դրամ՝ որպես  հաշմանդամների, կերակրողին կորցրած ընտանիքների, սոցիալապես անապահով այլ խավերի սոցիալական պայմանների բարելավման նպատակներով սոցիալական օգնություն: Այդ շրջանակներում սոցիական օգնության անվան տակ համայնքի թվով 86 բնակիչների հատկացվել են համայնքի ավագանու որոշմամբ և օրենսդրությամբ սահմանված 50.000-ական դրամներից ավելի գումարներ՝ որն ընդհանուր կազմել է առանձնապես խոշոր չափերի՝ 5.5մլն ՀՀ դրամ: Այնուհետ  տրամադրված գումարները գանձվել է համայնքային բյուջե որպես համայնքի բնակիչների կողմից հարկային պարտավորությունների կատարում՝ հարկերի հավաքագրման բարձր ցուցանիշներ ներկայացնելու նպատակով:

Նշված առերևույթ հանցավոր արարքները կատարելու համար Արագծոտնի մարզի Արագածավան համայնքի ղեկավար Ա. Պ.-ին առաջադրվել է մեղադրանք՝ ՀՀ քրեական օրենսգրքի 308-րդ հոդվածի 2-րդ մասով և որպես խափանման միջոց է ընտրվել  ստորագրություն չհեռանալու մասին: Քրեական գործով հայտարարվել է նախաքննության ավարտ:

Նկատի ունենալով, որ վեր հանված իրողությունները կարող են տարածական լինել՝ ընդգրկելով հանրապետության այլ համայնքներ ևս՝ ՀՀ գլխավոր դատախազ Արթուր Դավթյանը դիմել է ՀՀ տարածքային կառավարման և ենթակառուցվածքների նախարար Սուրեն Պապիկյանին՝ նախարարության լիազորությունների շրջանակներում նման դեպքերը կանխելու և բացառելու ուղղությամբ միջոցներ ձեռնարկելու համար:

Միաժամանակ ՀՀ գլխավոր դատախազը հանձնարարել է դատախազական հսկողության գործառույթի շրջանկաներում միջոցներ ձեռնարկել տեղական ինքնակառավարման մարմիններին առնչվող կոռուպցիոն քրեական գործերի նախաքննության ընթացքում նմանատիպ սխեմաների հնարավոր առկայությունը ևս քննության առարկա դարձնելու ուղղությամբ»,- ասված է հաղորդագրությունում: