07.12.2025 | 12:30
Հարավ-արևմուտքից ակտիվ ցիկլոն է ներթափանցում․ հանրապետության ողջ տարածքում տեղումներ են սպասվում
Ռուսաստանն արձագանքել է Լիբիայի հարցի շուրջ Էրդողանի հայտարարությանը
Քաղաքականություն
26.12.2019 | 20:17
Ռուսաստանի նախագահի մամուլի խոսնակ Դմիտրի Պեսկովն անդրադարձել է Թուրքիայի նախագահ Ռեջեփ Թայիփ Էրդողանի այն հայտարարությանը, որ Լիբիա զորքեր ուղարկելու վերաբերյալ նախագիծը բերելու են խորհրդարանական օրակարգ. գրում է ermenihaber-ը:
Լրագրողների հետ զրույցում Պեսկովը հայտարարել է, որ երրորդ երկրները չեն կարող նպաստել լիբիական ճգնաժամի հաղթահարմանը:
Նա, մեկնաբանելով Էրդողանի հայտարարությունը, ասել է. «Երրորդ երկրների միջամտությունը չի նպաստի ճգնաժամի լուծմանը, սակայն մշտապես գոհունակությամբ են ընդունվում երրորդ երկրների կողմից լուծման ուղիներ գտնելու և խնդրի կարգավորման հարցում հակամարտող կողմերին օժանդակելու նախաձեռնությունները»:
Ըստ Պեսկովի` Ռուսաստանն անհանգստացած է Լիբիայի իրավիճակի համար և կողմ է, որ դադարի արյունահեղությունը, խնդիրը լուծվի հնարավորինս կարճ ժամկետում և խաղաղ ճամապարհով:
Լրագրողի` «Էրդողանը և Պուտինն առաջիկայում հեռախոսազրույց ունենալու՞ են» հարցին ի պատասխան` խոսնակը նշել է, որ դեռևս չի ծրագրվել, սակայն անհրաժեշտության դեպքում հնարավոր է նման զրույց ունենան:
Նա նշել է, որ Թուրքիայի և Ռուսաստանի ղեկավարները մշտապես կապի մեջ են և հեռախոսազրույցի կազմակերպումը կարող է հաշված ժամեր տևել:
