29.04.2026 | 22:08
Կենտրոնում գրեթե ամբողջ շաբաթ փոշու պարունակությունը գերազանցել է սահմանային թույլատրելի կոնցենտրացիան
Հայտնի է Դմիտրի Մեդվեդևի այցի օրը. ինչ հանդիպումներ են սպասվում. «Հրապարակ»
18.10.2017 | 08:50
«Հրապարակ» օրաթերթը գրում է.
«Մեր տեղեկություններով` Դմիտրի Մեդվեդեւը Հայաստան կժամանի հոկտեմբերի 24-ին` մասնակցելու 24-25-ը Երեւանում տեղի ունենալիք ԵԱՏՄ անդամ երկրների վարչապետերի նիստին։ Տեղի կունենան ոչ միայն ընդլայնված կազմով նիստեր, այլեւ «տետ ա տետ» հանդիպումներ հայկական կողմի, Կարեն Կարապետյանի եւ մյուս վարչապետերի հետ: Նախատեսված է նաեւ Սերժ Սարգսյան-Դմիտրի Մեդվեդեւ հանդիպում:
Երեւանում տեղի ունենալիք ԵԱՏՄ նիստի առանձնահատկությունները «պայմանավորված» են ոչ միայն նոյեմբերին Հայաստան-ԵՄ ստորագրվելիք «համաձայնագրով», այլեւ Ղրղզստան-Ղազախստան սահմանային վեճով. Ղրղզստանի նախագահ Աթանբաեւը պատրաստվում է ԵԱՏՄ արտահերթ նիստ հրավիրել: Երեւանյան նիստից հետո, ըստ ավանդական ձեւաչափի, ասուլիս կտան Տիգրան Սարգսյանը եւ վարչապետերից որեւէ մեկը` կախված նիստի օրակարգից: Մեդվեդեւն ասուլիսին չի մասնակցի»:
Մանրամասները` թերթի այսօրվա համարում:
