10.09.2026 | 18:28
ՊՊԾ-ն հողերի օտարման գործընթացներում խախտումներ և չարաշահումներ է արձանագրել․ որքան վնաս է տրվել պետությանը
Երիտասարդ և պատանի սամբիստներն ութ մեդալ են նվաճել աշխարհի առաջնությունում
17.10.2017 | 17:39
Սերբիայի Նովի Սադ քաղաքում կայացել է երիտասարդների ու պատանիների աշխարհի առաջնությանը: Հայ սամբիստները մեկ ոսկե, երեք արծաթե եւ չորս բրոնզե մեդալներ են նվաճել:
90 կգ քաշային կարգում երիտասարդների աշխարհի չեմպիոն դարձել է Գրիգոր Սահակյանը: Ֆելիքս Դանիելյանը (48 կգ), Արթուր Մանուկյանը (56 կգ) եւ Վահագն Չալյանը (82 կգ) բրոնզե մեդալներ են նվաճել:
Պատանիներից Արմեն Նիկողոսյանն (56 կգ) ու Բորիս Շատվերյանն (75 կգ) արժանացել են արծաթե մեդալի, իսկ Նարեկ Համբարձումյանը (87 կգ)՝ բրոնզե:
Աղջիկներից պատվո հարթակին կանգնել է միայն Աննա Մկրտչյանը (+80 կգ)՝ նվաճելով արծաթե մեդալ:
Հայաստանի սամբոյի ֆեդերացիայի նախագահ Լեւոն Հայրապետյանի խոսքով՝ իր սպասելիքներն արդարացել են 70-80 տոկոսով.
«Ավելի մեծ սպասելիքներ ունեի, գոնե երկու ոսկե մեդալ պետք է նվաճեինք: Շատ գոհ եմ Գրիգոր Սահակյանից: Նա եւս մեկ անգամ ապացուցեց իր բարձր կարգը: Սահակյանը համոզիչ հաղթանակներ տարավ շատ ուժեղ մարզիկների նկատմամբ: Նա պայքարից դուրս թողեց նաեւ նախորդ տարվա չեմպիոնին:
Բորիս Շատվերյանը նույնպես շատ ուժեղ տղաների հաղթեց: Եզրափակչում նա մրցեց Հունաստանը ներկայացնող ազգությամբ հայ մարզիկի հետ: Չհասկացանք, թե ինչ կատարվեց եւ ինչու զիջեց»,- ասաց Լեւոն Հայրապետյանը:
Ֆեդերացիայի նախագահը նշեց, որ աշխարհի առաջնությանն այժմ պատրաստվում է ազգային հավաքականը: Մեծահասակների տարվա գլխավոր ստուգատեսը կկայանա նոյեմբերի 9-13-ը Սոչիում:
