21.06.2026 | 21:01
«Քրիստոնեությունը կդառնա Հայաստանի նոր բրենդը»․ Ծառուկյանը՝ The Guardian-ին
Վանա լճում հայտնված խեցգետինները սպառնում են տառեխի գոյությանը
24.12.2019 | 18:02
Թուրքական լրատվամիջոցներում տեղ գտած հրապարակումների համաձայն՝ առաջին անգամ Վանա լճում ի հայտ են եկել խեցգետիններ. գրում է ermenihaber-ը:
Բնապահպաններն անհանգստացած են այդ փաստից, քանի որ խեցգետինները կարող են լուրջ սպառնալիք ստեղծել Վանա տառեխ անունով հայտնի ձկնատեսակի համար։
Մասնագետներին վրդովեցրել է այն հանգամանքը, որ որոշ անհեռատես մարդիկ որոշել են խեցգետնաբուծությամբ զբաղվել Զերնեք կոչվող ջրամբարում, որի ջրերը հոսում են դեպի Վանա լիճ։
Արդյունքում խեցգետինները հայտվել են Վանա լճում, և քանի որ նրանք սնվում են բացառապես ձկնկիթներով, սա մեծ վտանգ է ստեղծում Վանա լճի միակ ձկնատեսակի՝ տառեխի գոյության համար:
Այս խնդրով մտահոգ մասնագետները կոչ են անում պատկան մարմիններին անմիջապես անհապաղ լուծում գտնել այդ հարցին, այլապես Վանա լիճն անդառնալի կորուստ կունենա՝ կորցնելով տառեխին:
