06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Թրամփի վարչակազմը դեմոկրատներից պահանջել է բյուջեից հանել Ուկրաինային ռազմական օգնություն տրամադրելու դրույթը. Washington Post
Քաղաքականություն
22.12.2019 | 13:11
Դոնալդ Թրամփի վարչակազմը սպառնացել է վետո դնել ԱՄՆ բյուջեի վրա, եթե դեմոկրատները չհրաժարվեն Ուկրաինային օգնություն ցույց տալու դրույթից, ինչն առանձին տողով ներառված է եղել բյուջեի նախագծում: Ըստ Washington Post-ի, արդյունքում դեմոկրատները ստիպված են եղել զիջումների գնալ, իսկ Թրամփը ստորագրել է բյուջեն: Հակառակ պարագայում վետոն կհանգեցներ շատ ծանր հետևանքների՝ երկիրը կատարյալ քաոսի մեջ ներքաշելով:
Նշվում է, որ դեմոկրատները մոտ 250 միլիոն դոլարի ռազմական օգնություն էին ցանկանում հատկացնել Ուկրաինային: Բայց քանի որ հենց Ուկրաինայի հետ կապված խնդիրներն էին հանգեցրել Թրամփին իմպիչմենթի ենթարկելու Ներկայացուցիչների պալատի որոշմանը, վերջիններս Սպիտակ տան արգելափակումը շրջանցելու նպատակով Ուկրաինայի ռազմական օգնությունը ներառել էին ոչ թե Պենտագոնի, այլ երկրի ընդհանուր բյուջեում:
Հիշեցնենք Ջո Բայդենի ու նրա որդու՝ Կիևում ծավալած բիզնես գործունեության հետ կապված Թրամփը Ուկրաինայի նախագահ Զելենսկուց պահանջել էր՝ հետաքննություն սկսել: Նշվում էր, որ Թրամփը ճնշում է գործադրել Զելենսկու վրա, սակայն պաշտոնական Կիևը շտապել էր հերքել ճնշում գործադրելու մասին տարածված տեղեկությունը:
