24.06.2026 | 16:56
Թրամփը պնդում է՝ Իրանը տեղեկացրել է ԱՄՆ-ին, որ Հորմուզի նեղուցով անցնող նավերից վճար չի գանձվում
Միջուկային պատերազմը կարող է սկսվել ցանկացած պահի. Հյուսիսային Կորեա
Քաղաքականություն
17.10.2017 | 10:45
ԿԺԴՀ-ն կողմ է միջուկային զենքի ամբողջական արգելքին: Այս մասին հայտարարել է ՄԱԿ-ում Հյուսիսային Կորեայի մշտական ներկայացուցիչ Կիմ Ին Ռոնը. փոխանցում է ria.ru-ն:
ՄԱԿ-ում Գլխավոր վեհաժողովի զինաթափման հարցերով հանձնաժողովի նիստի ընթացքում ելույթ ունենալիս նա կողմ է արտահայտվել հուլիսին ընդունված միջուկային զենքի ամբողջական արգելքի մասին համաձայնագրին, բայց նաև հայտարարել է, որ փաստաթղթին դեմ է ԱՄՆ-ը:
«Բայց քանի դեռ ԱՄՆ-ը, որը շարունակում է Հյուսիսային Կորեային սպառնալ միջուկային զենքով, չի ընդունում միջուկային զենքի արգելման մասին համաձայնագիրը, Հյուսիսային Կորեան չի միանա փաստաթղթին»,- ասել է Կիմ Ին Ռոնը։
Նրա խոսքով՝ Փհենյանի միջուկային զենքի ու բալիստիկ հրթիռների առկայությունն արդարացված է ինքնապաշտպանության փաստով: «Աշխարհում ոչ մի երկիր ԱՄՆ-ի կողմից չի ենթարկվել նման ծայրահեղ ու ուղղակի միջուկային սպառնալիքի, այնքան երկար ժամանակ, որքան Հյուսիսային Կորեան,- ասել է նա, ապա հավելե,- Կորեական թերակղզու շուրջ ստեղծված իրավիճակը, որին սևեռված է ողջ աշխարհի ուշադրությունը, հասել է կրիտիկական կետի. միջուկային պատերազմը կարող է սկսվել ցանկացած պահի»:
