«Պետք է պատժել մինչև վերջ»․ Մանե Թանդիլյանը՝ Աղվան Վարդանյանին ուղղված Փաշինյանի ակնարկի մասին. ՏԵՍԱՆՅՈՒԹ

Լուրեր

18.11.2026 | 11:52
Ինչքա՞ն է բյուջեի ճեղքվածքը այս տարի․ Նարեկ Կարապետյանը՝ նախարարին․ ՏԵՍԱՆՅՈՒԹ
18.11.2026 | 11:44
Բայրամովը Գերմանիայի ԱԳ նախարարի հետ Երևանի ու Բաքվի միջև խաղաղության գործընթացն է քննարկել
18.11.2026 | 11:43
Նարեկ Կարապետյանի ճեպազրույցը՝ ՈՒՂԻՂ
18.11.2026 | 11:38
Կոտրել են Հեռուստատեսության և ռադիոյի հանձնաժողովի ֆեյսբուքյան էջը․ ՀՌՀ-ի անունից մեկնաբանություններ են հրապարակվել
18.11.2026 | 11:31
Ուկրաինան Կրասնոդարի երկրամասում երկու նավթավերամշակման գործարանների է հարվածել․ տուժածներ կան
18.11.2026 | 11:22
ՀՀ ՔԿ նախագահն Իրանի արդարադատության նախարարի հետ քննարկել է քրեական գործերով իրավական օգնության արդյունավետության բարձրացումը
18.11.2026 | 11:12
Total Chess. Հայկ Մարտիրոսյանն առաջին օրը հաղթել է Ռիխարդ Ռապորտին
18.11.2026 | 11:04
Պուտինը հանդիպել է Սի Ցզինպինի հետ՝ ՌԴ-ի, ԱՄՆ-ի և Չինաստանի ղեկավարների եռակողմ գագաթնաժողովից առաջ
18.11.2026 | 10:56
Ազգերի լիգայում հայտնի են քառորդ եզրափակիչի բոլոր մասնակիցները
18.11.2026 | 10:47
Ուսուցիչների համար գործարկվել է արհեստական բանականության 65 գործիք ներկայացնող հայալեզու պորտալ
18.11.2026 | 10:39
Ընդդիմադիրները Փաշինյանի մասնակցությամբ նիստին արդեն 2 ընդմիջում են վերցրել
18.11.2026 | 10:30
Սլովակիայում բողոքի ցույցեր են անցկացվել վարչապետ Ռոբերտ Ֆիցոյի և Կրեմլի հետ նրա կապերի դեմ
18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
Բոլորը

ԱԺ «Լուսավոր Հայաստան» խմբակցության պատգամավոր, աշխատանքի և սոցիալական հարցերի նախկին նախարար Մանե Թանդիլյանը Factor.am-ի հետ զրույցում անդրադառնալով 101 երեխաների վաճառքի կամ անհետացման առթիվ աղմկահարույց քրգործին՝ ասաց, թե դա նախկինում իրականացված գործարքների արդյունք է:

«Զարհուրելի մի քայլ է, և ակնհայտորեն այդտեղ մի հոգի չէ, որ ներգրավված է, որովհետև նման սխեմաներով նման գործարքները մի հոգու մեղավորություն չեն։ Ես կարծում եմ, որ գերատեսչություններ են ներգրավված և տարբեր մարդիկ։ Դա մեկ դեպք չի, երկուսը չի, հետևաբար՝ մի ամբողջ համակարգ է աշխատել։ Հույս ունեմ, որ այս սխեմայում ներգրավված որևէ մեկն անպատիժ, անպատասխան չի մնա, և ոչ միայն պատժել է անհրաժեշտ, այլև գտնել բոլոր այն սողանցքներն ու բացերը, որոնց արդյունքում հնարավոր է լինում ընդհանրապես նման բան անել»,- շեշտեց Թանդիլյանը:

Նրա խոսքով՝ կատարվածը լրջագույն ուսումնասիրության առարկա պետք է դառնա թե՛ օրենսդրական բացի, թե՛ լիազորությունների չարաշահման տեսանկյունից, քանի որ նման բանի կրկնությունը պետք է բացառել ամբողջությամբ։

«Սա անթույլատրելի է, անպատվաբեր, ստորացուցիչ։ Ինչքան պետք է բարոյապես զուրկ լինես արժեքներից, որ նման գործարքների գնաս։ Զարհուրելի է իրավիճակը, հույս ունեմ, որ իրավապահ մարմինների տիրույթում անաչառ քննություն տեղի կունենա»,-նշեց նախկին նախարարը։

Վարչապետ Նիկոլ Փաշինյանը Կառավարության այսօրվա նիստում ասաց, որ այն նյութական օգնությունը, որ նախկինում գնում էր գիշերօթիկ դպրոցներին և երեխաներին, բաշխվում էր գիշերօթիկ դպրոցների միջոցով՝ ռիսկերով, իսկ հիմա ուղիղ հատկացնում են երեխաներին, նրանց ընտանիքներին։ «Մարդիկ են եղել, որ այդ ժամանակ նախարար են եղել հայտնի կուսակցությունից, այդ ընթացքում այս նպատակով բնակարանաշինություն է տեղի ունեցել։ Իսկ ինչո՞ւ այդ բնակարանները չեն հասել այդ երեխաներին։ Հիմա, որ գնանք, հետաքննենք, և պարզվի ինչ-որ բան, այդ մարդիկ հայտնվեն բանտում, ի՞նչ է լինելու, պարզվելու է՝ նրանք քաղաքական հալածյալ են։ Հանուն ազգի՝ պետական միջոցները քյաբաբների վրա ծախսածները հիմա ՀՀ-ում հանդես են գալիս ազգային արժեքների պաշտպանությամբ։ Հիմա, որ ասեմ՝ քյաբաբ առ քյաբաբ բացահայտելու ենք, պետք է ասեն՝ ատելության քարոզչություն է իրականացվում ՀՀ-ում»,- հեգնեց Նիկոլ Փաշինյանը։

Մեր դիտարկմանը, թե սա Ռոբերտ Քոչարյանի պաշտպանությունը ստանձնած սոցապ նախկին նախարար Աղվան Վարդանյանին էր վերաբերում, քանի որ իր պաշտոնավարման հետ կապված են շրջանառվել նման մեղադարանքներ, Թանդիլյանն ասաց. «Որևէ մեկը չպետք է կանգնի այն բանի առաջ, թե քաղաքական կամ կուսակցական խնդիրներ կարող են առաջանալ։ Ով էլ լինի, անգամ սեփական կուսակցությունից էլ լինի, պետք է պատժել մինչև վերջ»։

Անդրադառնալով ավագանու «Լույս» խմբակցության ղեկավար Դավիթ Խաժակյանի մանդատի թեմային՝ Թանդիլյանը կարծիք հայտնեց, որ Դավիթ Խաժակյանն ավագանու լավագույն անդամն է, և նրա գործունեությունը բխում է «հանրային շահից, երևանցու շահից»։

«Համոզված եմ, որ Խաժակյանը որևէ ձևաչափով անպայման պետք է շարունակի իր գործունեությունը։ ԼՀԿ-ն քննարկում է, թե ինչպես անել, որ Խաժակյանի աշխատանքն արդյունք տա ի շահ երևանցու, որովհետև այն, ինչ անում է Դավիթը, մի ամբողջ խմբակցության աշխատանք է»,- ասաց նա։ Միևնույն ժամանակ, բողոքող ԼՀԿ-ն Խաժակյանի աշխատանքը ստվերող «Հանրապետություն» կուսակցության անդամների փոփոխության հարց չի դրել։

Հարցին՝ ինչպե՞ս է գնահատում Հայաստանի տնտեսության վիճակն այսօր, Մանե Թանդիլյանը պատասխանեց. «Հայաստանի համար այսօր պատուհան է բացվել հնարավորությունների: Հավատ կա, հույս կա պետության նկատմամբ, և չօգտագործել այս հնարավորությունը, իսկ սա երկար չի լինելու, երբ որոշ ժամանակ անց մարդիկ տեսնեն, որ էական բարեփոխում տեղի չի ունենում, այդ պատուհանը փակվելու է։ Դրա համար է իմ անհանգստությունը, որ կապիտալ ծախսերն իրականացրեք, քանի որ վտանգում եք կայուն զարգացումը։ Ակնհայտորեն տնտեսական բլոկը շարունակում է անել այն, ինչ արել է միշտ, որի արդյունքում Հայաստանը հայտնվել է այնտեղ, որտեղ այսօր կա»։

Հարցազրույցն ամբողջությամբ՝ տեսանյութում։

Մարինե Խառատյան