22.05.2026 | 17:17
ՖԻՖԱ-ն կարևոր փոփոխություն է քննարկում ֆուտբոլում
ԱԱԾ-ն կատարել է իր առջև դրված խնդիրը. Նիկոլ Փաշինյանը շնորհակալություն հայտնեց կառույցի աշխատակիցներին. ՏԵՍԱՆՅՈՒԹ
Տեսանյութեր
19.12.2019 | 17:05
Հայաստանի Հանրապետության ազգային անվտանգությունը՝ ներքին և արտաքին, համարում եմ բոլոր առաջնահերթությունների առաջնահերթությունը: Այս մասին ասաց Ազգային անվտանգության մարմինների աշխատողի օրվան ընդառաջ ԱԱԾ այցելած վարչապետ Նիկոլ Փաշինյանը:
«Նախորդ մեկուկես տարվա ընթացքում, որպես վարչապետ կարող եմ արձանագրել, որ ԱԱԾ-ն կատարել է իր առջև դրված խնդիրը: Շատ է խոսվում ԱԱԾ-ի հասցեին երբեմն հնչող քննադատությունների մասին, բայց ես ուզում եմ արձանագրել, որ ԱԱԾ-ի գործունեության մի զգալի մասը, եթե չասենք՝ հսկայական մասը, անտեսանելի է հանրության համար: Եվ անվտանգությունն այն երևույթներից է, որի ներկայությունը սովորաբար չի նկատվում»,- ասաց վարչապետը:
Նրա խոսքով՝ երբ անվտանգությունը կա, սովորաբար դրա առկայության համար ոչ ոք ոչ մեկին շնորհակալություն չի ասում. «Որովհետև դա համարվում է մի բան, որն ինքնին ենթադրվում է: Ա՛յ, որ անվտանգության ներկայությունը թեկուզ մի փոքր կասկածի տակ է առնվում, բնականաբար, բոլորը հանում են իրենց թրերը և հարձակվում են այդ անվտանգությունն ապահովելուն ուղղված մարմինների ուղղությամբ»:
Նիկոլ Փաշինյանը, միաժամանակ, շնորհակալություն հայտնեց ԱԱԾ բոլոր աշխատակիցներին՝ իրենց ծառայության համար:
Մանրամասները՝ տեսանյութում:
