10.01.2026 | 20:05
Անի Ամիրաղյանը պարտվել է Կատարինա Զավացկային
Այդ մեքենաները ձեռք են բերվել իմ ընտանիքի անվտանգությունն ապահովելու համար 2018թ․-ին՝ ըստ օրենքի. վարչապետ. ՏԵՍԱՆՅՈՒԹ
Տեսանյութեր
19.12.2019 | 16:50
ՀՀ հատուկ պետական պաշտպանության ենթակա անձանց անվտանգության ապահովման մասին օրենքի համաձայն՝ ՀՀ վարչապետը և նրա ընտանիքի անդամները պետական պահպանության ենթակա անձինք են։ Օրենքն ասում է, որ ՀՀ վարչապետը ոչ մի պարագայում չի կարող հրաժարվել պետական պահպանությունից, ինչպես նաև չեն կարող հրաժարվել վարչապետի ընտանիքի անդամները։ Այս մասին ֆեյսբուքյան ուղիղ եթերի ժամանակ ասաց վարչապետ Նիկոլ Փաշինյանը։
Վարչապետը մանրամասնեց, թե ինչպես պետք է պահպանվի պետական պահպանության ենթական անձի պահպանությունը։
«Օրենքն ասում է, որ պետական պահպանության ենթակա անձի պահպանությունն իրականացվում է այդ թվում տրանսպորտային միջոցների կիրառմամբ։ Պետական պահպանության ծառայության աշխատակիցները պետք է ուղեկցեն այդ անձին, նրանք զինված են՝ զենքեր ունեն իրենց հետ, հատուկ միջոցներ և այլն, և այլն։ Պատկերացնենք՝ այդ մարդն, օրինակ՝ անընդհատ երթևեկում է մետրոյով, «Գազել»-ով, ինչպե՞ս է իրականացնելու պահպանությունը։ Պետական պահպանության ենթակա անձին կցված աշխատողները պետք է շարժվելու տրանսպորտ ունենան։ Եվ այն, որ իմ ընտանիքի անդամները որևէ տրանսպորտային միջոցով տեղից տեղ են շարժվում, այդ մեքենան իմ ընտանիքի անդամի համար չի գնված, այդ մեքենան գնված է պետական պահպանության ծառայության աշխատողների համար, որոնք իրականացնում են վարչապետի ընտանիքի անդամի անվտանգությունը։ Նույն տրամաբանությամբ՝ այն մեքենայով, որով ես եմ շրջում, այդ մեքենան իմը չէ, այդ մեքենան պետական պահպանության ծառայությանն է»,- մանրամասնեց Փաշինյանը։
Նա նկատեց՝ վերջերս, երբ որ Մարիամը վարորդական իրավունք էր ձեռք բերել, ինքն իրենց՝ 2008 թվականի արտադրության «Nissan»-ով փորձել է շրջել քաղաքում, և այդ դեպքում պետական պահպանության մեքենան իր հետևից գնում էր և ստացվում էր, որ իր ընտանիքի անդամը շարասյունով է շրջում Երևանում։ Դրա համար որոշ ժամանակ անց դադարեցրեց վարել։ «Երբ այս թեման բարձրացվեց, ես զանգահարեցի Պետական պահպանության ծառայության պետի պարտականությունները կատարողին և աշխատակազմին՝ հարցրեցի՝ 2019 թվականին մեքենա ձեռք բերվե՞լ է, թե՝ ոչ։ Նրանք ասացին, որ ոչ ձեռք չի բերվել, իսկ հարցին, թե նախկինում ձեռք բերվե՞լ է, պարզվեց, որ այո, 2018 թվականին մեքենաներ են ձեռք բերվել»,- ասաց Փաշինյանը։
Մանրամասները՝ տեսանյութում։
