25.06.2026 | 23:51
Արմեն Մելիքբեկյանը մտադիր չէ առաջադրվել ՀՖՖ նախագահի ընտրություններում
«Խավարում» ցուցադրությունը չի վերաբացվի․ Մշակույթի նախարարությունը հրաժարվե՞ց իր խոստումից. ԵզրաԿԱՑՈՒԹՅՈՒՆ
Հաղորդաշարեր
16.10.2017 | 20:41
Մշակույթի նախարարության հրահանգով Ստալինյան բռնաճնշումների մասին Հովհաննես Թումանյանի թանգարանում ներկայացված «Խավարում» ցուցադրության փակումը վրդովմունքի մեծ ալիք բարձրացրեց հանրության շրջանում։ Թանգարանի տնօրեն Նարինե Թուխիկյանը Factor.am-ի հետ զրույցում ասաց, որ ցուցադրությունը փակվել էր չար զրպարտիչների ձեռքով, որոնք, հավանաբար, ազդեցություն էին ունեցել նախարարության վրա։ Ի պատասխան՝ մշակույթի նախարար Արմեն Ամիրյանը պարզաբանեց, թե ցուցադրանքի բացօթյա ձևաչափը նախարարության հետ համաձայնեցված չէր։ Իսկ փոխնախարար Արև Սամուելյանը հայտարարեց, թե որոշ շտկումներից հետո այն կվերաբացվի։ Արմեն Ամիրյանը ևս հայտարարեց, որ կնախաձեռնի, որպեսզի «Խավարում» ցուցադրությունը վերաբացվի։
Factor.am-ի հետ զրույցում, սակայն, թանգարանի տնօրեն Նարինե Թուխիկյանը փաստեց՝ վերջերս նախարարը եղել է թանգարանում և պատասխանելով իր այն հարցին, թե արդյոք վերաբացվելու է «Խավարում» ցուցադրությունը, Ամիրյանը պատասխանել է, որ ոչ։
Աննա Բաբաջանյան
