08.12.2025 | 16:06
ԱՄՆ-ը նախատեսում է առաջիկա երկու տարիների ընթացքում Ուկրաինային 800 միլիոն դոլարի ռազմական աջակցություն հատկացնել
Ստացվում է՝ լսում ենք համայնքներին, բայց կարևորություն չենք տալիս․ Արմեն Եղիազարյան. ՏԵՍԱՆՅՈՒԹ
Քաղաքականություն
19.12.2019 | 12:27
Մի փոքր անհասկանալի է, թե ինչու է բարդացվում տեղական հանրաքվեի գործընթացը բարդացվում: Այս մասին ԱԺ-ում ունեցող ելույթում ասաց «Լուսավոր Հայաստան» խմբակցության պատգամավոր Արմեն Եղիազարյանը:
«Գիտենք, որ գյուղական համայնքներում մեծամասամբ գտնվում են արտագնա աշխատանքում, և մենք արհեստական խնդիր ենք ստեղծում նրանց համար, և այս բարդացումը լուրջ խնդիր կարող է լինել՝ քվորում չապահովելու տեսանկյունից»,- ասաց պատգամավորը:
Նա նաև կարծում է, որ այս փոփոխությամբ ստացվում է, որ մենք լսում ենք համայնքների կարծիքը, բայց կարևորություն չենք տալիս. «Սա ևս մենք պետք է հստակեցնենք և ամրագրենք, որ հանրաքվեի արդյունքները պետք է լինեն պարտադիր»:
Հիշեցնենք, որ ՀՀ Ազգային ժողովն այսօր հրավիրված արտահերթ նիստում երկրորդ ընթերցմամբ քննարկում է «Տեղական հանրաքվեի մասին» օրենքում լրացումներ և փոփոխություններ կատարելու մասին» և «Տեղական ինքնակառավարման մասին» օրենքում լրացումներ կատարելու մասին» ՀՀ օրենքների նախագծերի փաթեթը: Այն ներկայացրել են «Իմ քայլը» խմբակցության պատգամավորներ Վարազդատ Կարապետյանն ու Վահե Ղալումյանը:
Մանրամասները՝ տեսանյութում:
