01.05.2026 | 23:26
Հարյուր հազարավոր մարդիկ Գերմանիայում մայիսմեկյան ցույցերի են դուրս եկել
ԱԻՆ-ում 4,5 մլն դրամի ուղղաթիռով թռիչքներ են կատարել
18.12.2019 | 22:38
Արտակարգ իրավիճակների նախարարությունում 4,5 մլն դրամի ուղղաթիռով թռիչքներ են կատարել:
Գերատեսչությունն այժմ կառավարության պահուստային ֆոնդից նշյալ գումարի չափով փոխհատուցում է պահանջում՝ ծառայությունների համար վճարելու նպատակով: Ծառայությունները մատուցել է «Արմենիան Հելիքոփթերս» ՍՊԸ-ն: Այս մասին Factor.am-ը տեղեկանում է կառավարության պաշտոնական կայքից:
Կառավարության օրակարգ ընդգրկված նախագծից տեղեկանում ենք, որ 2019 թվականի օգոստոսի 23-ին Airbus H125/AS350B3e տիպի ուղղաթիռով 2 թռիչք է իրականացվել դեպի Կապան քաղաք, Խոսրովի անտառ: Ուղղաթիռով իրականացվող թռիչքների համար մեկ թռիչքային ժամը կազմել է 700 000 ՀՀ դրամ, ներառյալ ԱԱՀ-ը:
2019 թվականի օգոստոսի 24-ին Robinson R66 տիպի ուղղաթիռով թռիչք է իրականացվել դեպի Խոսրովի անտառ և ուղղաթիռով իրականացվող թռիչքների համար մեկ թռիչքային ժամը կազմել է 504 000 ՀՀ դրամ, ներառյալ ԱԱՀ-ը:
2019 թվականի նոյեմբերի 22-ին H125/AS350B3e տիպի ուղղաթիռով թռիչք է իրականացվել դեպի Վիշապաքար և Աժդահակ լեռ՝ մոլորված քաղաքացիներին գտնելու ուղղությամբ: Նախագծում այս թռիչքի թռիչքային ժամի արժեքը նշված չէ:
Հիշեցնենք, որ Factor.am-ը դեռ ամիսներ առաջ անդրադարձել էր այն թեմային, որ Արմենիան Հելիքոփթերս» ՍՊԸ-ն ոստիկանապետ Վալերի Օսիպյանին մինչ պաշտոնանկությունը ուղղաթիռը տրամադրել էր անվճար: Սակայն, հետաքրքիր է, որ մեկ այլ գերատեսչության ծառայությունը մատուցվել է վճարովի:
Նարեկ Կիրակոսյան
