10.01.2025 | 23:14
ՊԵԿ նախագահն ընդունել է Հնդկաստանի դեսպանին
Դատական նիստը թույլ չտաք վերածվի հանրահավաքի. Ալումյանը՝ դատավորին. ՏԵՍԱՆՅՈՒԹ
Հասարակություն
18.12.2019 | 15:03
ՀՀ Վերաքննիչ քրեական դատարանում դատավոր Լուսինե Աբգարյանի նախագահությամբ շարունակվում է երկրորդ նախագահ, Մարտի 1-ի գործով ամբաստանյալ Ռոբերտ Քոչարյանի պաշտանների բողոքի քննությունը՝ գրավ չկիրառելու Առաջին ատյանի որոշման դեմ։
Դատավարության կողմերի ինքնությունը պարզելուց հետո, դատարանը խնդրեց պաշտպանական կողմին ներկայացնել բողոքը։
Պաշտպաններից Հայկ Ալումյանը նշեց՝ այս դատարանում չպետ է քննվի, թե առհասարակ Ռոբերտ Քոչարյանը պետք է գրավով ազատ արձակվի, թե չէ, առկա է խոչընդոտելու ռիսկ, թե ոչ․ «Պետք է քննվի՝ արդյոք Առաջին ատյանի որոշումը կարող է համապատասխանել Եվրոպական դատարանի կողմից սահմանված չափանիշին՝ բավարար հիմքեր բերե՞լ է Առաջին ատյանը՝ գրավը մերժելու համար։ Արդյոք օրինակա՞ն է այս բնույթի պատճառաբանությունը»։
Ալումյանը նշեց՝ Առաջին ատյանի դատարանի որոշումը կամայական է։ Ալումյանը բողոքը ներկայացնելիս կողմերին հորդորեց չշեղվել բուն բողոքից և դատարանին ասաց, որ «թույլ չտա դատական նիստը վերածել հանրահավաքի»։
Դատարանի հստակեցնող հարցին՝ գրավի չափը յուրաքանչյուրի համար անձնական է, այս դեպքում ինչքա՞ն կարող են նշել գրավի չափ, Հայկ Ալումյանն ասաց՝ իրենք չափ չեն ուզում առաջարկել դատարանին դա թողնելով նրա հայեցողությանը։
Մանրամասները՝ տեսանյութում։
Լիլիթ Շաբոյան
