08.08.2026 | 11:04
Բացահայտվել է Արգամ Աբրահամյանի կողմից պատվիրված սպանության դեպքը. ՔԿ
Նախագահները համաձայնել են միջոցներ ձեռնարկել բանակցային գործընթացն առաջ մղելու համար. ԵԱՀԿ ՄԽ համանախագահների և ԱԳ նախարարների հայտարարությունը
Քաղաքականություն
16.10.2017 | 17:43
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի` հոկտեմբերի 16-ին Շվեյցարիայում՝ Ժնևում կայացած հանդիպման արդյունքներով հայտարարություն են տարածել ԵԱՀԿ ՄԽ համանախագահները և Հայաստանի ու Ադրբեջանի արտաքին գործերի նախարարները:
Հայտարարության մեջ նշվում է.
«ՀՀ նախագահ Սերժ Սարգսյանն ու Ադրբեջանի նախագահ Իլհամ Ալիևը այսօր հանդիպել են Ժնևում: Հնադիպմանը նաև ներկա են եղել ԱԳ նախարարներ՝ Է. նալբանդյանն ու Է. Մամեդյարովը: Հանդիպումը կազմակերպվել էր ԵԱՀԿ Մինսկի խմբի համանախագահների հոցվանու ներքո (Իգոր Պոպով՝ ՌԴ, Ստեֆան Վիսկոնտի՝ Ֆրանսիա, Էնդրյու Շեֆեր՝ ԱՄՆ) : ԵԱՀԿ գործող նախագահի անձնական ներկայացուցիչ Անջեյ Կասպրշիկը ևս մասնակցել է գագաթնաժողովին:
Հանդիպումն անցել է կառուցողական մթնոլորտում:
Նախագահները համաձայնել են միջոցներ ձեռնարկել բանակցային գործընթացն ավելի ինտենսիվ դարձնելու և հավելյալ քայլեր կատարել շփման գծում լարվածությունը նվազեցնելու նպատակով:
Համանախագահները գոհունակություն են հայտնել երկար դադարից հետո կայացած ուղղակի բանակցությունների առթիվ: Նրանք պատրաստակամ են կողմերի հետ շարունակել միջնորդական աշխատանքը ԼՂ հակամարտության խաղաղ բանակցային կարգավորման ուղղությամբ: Որպես հաջորդ քայլ՝ համանախագահները մոտ ապագայում աշխատանքային քննարկումներ կանցկացնեն նախարարների հետ»:
