02.11.2024 | 12:34
Հայաստանը Չեխիայում ռազմական կցորդ ունի
Բռնության ենթարկված կանայք պետության նկատմամբ չունեն վստահություն. պատգամավոր
Հասարակություն
16.10.2017 | 16:57
Հայաստանում ընտանեկան բռնության ենթարկված կանայք պետության նկատմամբ վստահություն չունեն: Այս մասին Factor.am-ի հետ զրույցում ասաց ԱԺ «Ծառուկյան» խմբակցության պատգամավոր Լուիզա Սարգսյանը:
«Բռնության ենթարկված կանայք չեն բարձրաձայնում այդ մասին, որովհետև չունեն վստահություն, որ պետության կողմից աջակցություն կունենան»,- նշեց պատգամավորը:
Տիկին Սարգսյանի համար հայկական ավանդական ընտանիքի մոդելը թեև ամենաընդունելին է, սակայն բռնության ենթարկվածների մասին վիճակագրական տվյալները փաստում են, որ հայկական ընտանիքի մոդելը խեղաթյուրվել է:
Ըստ պատգամավորի՝ օրենքի թե՛ կողմնակիցների, թե՛ ընդդիմախոսների նպատակը պետք է լինի ներդաշնակ հայկական ընտանիք ունենալը: Ինչ վերաբերում է օրինագծում տեղ գտած խնդրահարույց դրույթներին, ապա Լուիզա Սարգսյանն առանձնացրեց բռնարարին իր բնակության տարածքից հեռացնելու կետը՝ նշելով, որ դա կարող է հակառակ ազդեցությունն ունենալ և ավելի բորբոքել բռնություն գործադրած անձին: Տեղեկացնենք, որ վաղը ՀՀ ԱԺ եվրոպական ինտեգրման հարցերի մշտական հանձնաժողովի նախաձեռնությամբ տեղի կունենան «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրինագծի վերաբերյալ խորհրդարանական լսումներ:
