12.01.2026 | 11:41
Բազմաթիվ դիեր․ Իրանում բողոքի ցույցերի ընթացքում զոհերի թիվը հասել է առնվազն 544-ի․ ՏԵՍԱՆՅՈՒԹ
«Ուսադիր կրողները միմյանց դեմ ցուցմունք չեն տալիս, սա ցինիզմի գագաթնակետն է». Նինա Կարապետյանց. ՏԵՍԱՆՅՈՒԹ
Հասարակություն
17.12.2019 | 12:09
Սա բացառիկ դեպք է: Ուսադիր կրողները միմյանց դեմ ցուցմունք չեն տալիս: Սա ցինիզմի գագաթնակետն է և չունի ո՛չ իրավական, ո՛չ բարոյական բացատրություն: Այս մասին այսօր՝ «Հակագազով ցուցմունք կորզելու տեսանյութ. ո՞ր փուլում է քրգործը» թեմայով քննարկման ընթացքում նշեց իրավապաշտպան Նինա Կարապետյանցը:
«Տեսանյութի մեջ հատ-հատ տեսնում ենք՝ ինչ է կատարվում, ով ինչ գործողություն է կատարում: 4 հոգի չեն, 5-րդն էլ կա, որը տեսանկարահանում է, սակայն մենք այսօր ունենք զրո մեղադրյալ»,- ասաց Նինա Կարապետյանցը:
Իրավապաշտպանը վստահ է, որ տեսանյութի հեղինակը ևս Ոստիկանության աշխատակից է. «10 տարի առաջ ոչ մեկ չուներ սմարթֆոն, որ նկարահաներ, դա վստահաբար ներսի մարդ է եղել: Սա առաջին նման դեպքը չէ. ֆորմալ առումով գործը սկսում են, 1-2 հոգու հարցաքննում, հետո սկսում այնքան ձգձգել՝ մինչև տուժող կողմը հոգնի, ձանձրանա»:
Մանրամասները` տեսանյութում:
Նելլի Մելքոնյան
