Տնտեսություն
16.12.2019 | 19:11
Հնարավոր է՝ 2020 թվականից Հայաստանում գործի տեղական ավիափոխադրող։ Այս մասին լրագրողների հետ ճեպազրույցի ժամանակ տեղեկացրեց Քաղաքացիական ավիացիայի կոմիտեի նախագահ Տաթևիկ Ռևազյանը։
«Մեկ ընկերություն դիմել է Քաղաքացիական ավիացիային, փաստաթղթերը մեզ մոտ են, մենք պետք է նայենք, եթե համապատասխանում է մեր պահանջներին, միջազգային պահանջներին և ամեն ինչ նորմալ անցնի, մյուս տարվա ընթացքում մենք կունենանք տեղական փոխադրող, որն ունենալու է 388000 նստատեղ»,- ասաց Տաթևիկ Ռևազյանը։
Նա նշեց, որ այս պահին այլ մանրամասներ չի կարող ներկայացնել։
